✨️ Qendra Aishe ✨️

Provo t’u flasësh njerëzve me të njëjtën shpejtësi me të cilën lexon suren El-Fatiha ose thua tesbihet në namaz, ose dhikrin pas namazi e do ta shohësh reagimin e tyre!
Dije se pikërisht kështu po i flet Zotit tënd!

Mos u nxito! Kështu nuk u flitet mbretërve, e si mund t’i flitet kështu Mbretit të mbretërve?!

Ji i përulur, nënshtroju Allahut, shfaq nevojën tënde për Të dhe sillu me edukatë ndaj Tij!

💎 Çdo ajet, dua dhe tesbih që thua, konsideroje si një gur të çmuar, të cilin e ruan me kujdes.
A do të doje të të humbiste qoftë edhe një prej tyre?

Qendra Aishe

Për ata që shpërndajnë nga kanali jonë dhe ndihmojnë në përhapjen e postimeve 🤍
Faleminderit çdo personi që ndihmon që postimet të arrijënë te të tjerët dhe e shpërndan me qëllim të mirë 💚.
Allahu e vendostë çdo shkronjë që shpërndani nga kanali në peshoren e veprave tuaja të mira dhe ju dhëntë shpërblimin e kujtdo që përfiton prej tij!🤲 🤍💚🍂

❍ Vlera e përhapjes së dijes dhe e mësimit të së mirës njerëzve ❍

📝 Ibn Kajjimi, Allahu e mëshiroftë, ka thënë: ▶️ «Kur dijetari e mbjell dijen e tij te të tjerët e më pas vdes, shpërblimi i asaj dije vazhdon t’i rrjedhë dhe kujtimi i tij mbetet. Kjo është një jetë e dytë për të, një jetë tjetër.» 📔 Miftahu Daris-Seade (1/461) 💚🍂

🔹 Ibn Xheuziu, Allahu e mëshiroftë, ka thënë:
«Kush dëshiron që veprat e tij të mos ndërpriten pas vdekjes, le ta përhapë dijen.» 📒 Et-Tedhkira 💚🍂
⭕ Allahu te nderoftë! Shpërnda postimet dhe fito shpërblimin e përhapjes së dijes! 📲
🌻Qendra Aishe

Njeriu nuk gjen kurrë rehati të plotë në këtë botë… sepse kjo botë është vend vuajtjesh…

Rehatia e vërtetë është kur të dëgjojë:
“Paqja qoftë mbi ju! Ju keni qenë të mirë e të pastër, ndaj hyni në të, ku do të qëndroni përgjithmonë!”

Dhe qetësia bëhet e plotë me zhytjen e parë në Xhenet…
Pas saj do të thuash:
“Pasha Allahun, kurrë nuk kam përjetuar ndonjë vuajtje!”
Dhe do të thuash:
“I lavdëruar qoftë Allahu që na i largoi të gjitha brengat!”
O Allah, të kërkojmë Xhenetin dhe çdo fjalë e vepër që na afron tek ai! 🤲

Qendra Aishe

Besimtarin e kënaq fjala e së vërtetës, qoftë në favor të tij apo kundër tij dhe e zemëron fjala e pavërtetë, qoftë në favor të tij apo kundër tij. Kjo sepse Allahu e do të vërtetën, sinqeritetin dhe drejtësinë, ndërsa e urren gënjeshtrën dhe padrejtësinë.

✒️Ibn Tejmije
𝑸‌𝒆‌𝒏‌𝒅‌𝒓‌𝒂‌ 𝑨‌𝒊‌𝒔‌𝒉‌𝒆✨

🚫 Kujdes që të mos ankohesh për një mirësi për të cilën dikur i luteshe Allahut që të ta dhuronte...

🚙 Mos u anko për trafikun e rrugës, ndërkohë që je në një makinë që dikur e dëshiroje!

🏡 Mos u anko për përgjegjësitë e shtëpisë, ndërkohë që jeton në një shtëpi për të cilën i luteshe gjatë Allahut që ta kishe!


💰 Mos u anko për lodhjen e punës, kur dikur i kërkoje Allahut një derë furnizimi që të hapej për ty!

💧Mos u anko për zhurmën e fëmijëve të tu, sepse ata janë pikërisht lutja për të cilën sytë e tu lotuan duke e pritur!

🪞Mos u anko për përgjegjësitë e jetës, sepse ndoshta pikërisht ato janë jeta që dikur dëshiroje ta jetoje!

》Ndonjëherë ne mësohemi aq shumë me mirësitë, saqë harrojmë se dikur ato ishin një dëshirë e largët...

𝑸‌𝒆‌𝒏‌𝒅‌𝒓‌𝒂‌ 𝑨‌𝒊‌𝒔‌𝒉‌𝒆✨

🔥 Përshkrimi i Zjarrit

Një burrë i tha Ibn Mes’udit:
“Na trego për Zjarrin; si është ai?”

Ai tha:
“Sikur ta shihje, zemra jote do të dilte nga vendi i saj!”

(📚 Përshkrimi i Xhehenemit nga Ibn Ebi’ Dunja, nr. 143.)

Hasan el-Basriu ka thënë:

“Sikur të derdhej një kovë me qelb nga Xhehenemi mbi tokë, nuk do të mbetej askush mbi faqen e dheut pa vdekur.”

(📚 Përshkrimi i Xhehenemit nga Ibn Ebi’ Dunja, nr. 80.)

Abdullah ibn Amr ka thënë:

“Sikur një njeri nga banorët e Zjarrit të nxirrej prej tij dhe të kthehej në këtë botë, të gjithë banorët e kësaj bote do të vdisnin nga tmerri i pamjes së tij dhe nga era e keqe e tij.”

Pastaj Abdullah ibn Amr qau me të madhe...

(📚 Përshkrimi i Xhehenemit nga Ibn Ebi’ Dunja, nr. 122.)

Imam Kurtubiu ka përmendur në tefsirin e tij:

Se numri i përmendur në fjalën e Allahut:
﴿عَلَيْهَا تِسْعَةَ عَشَرَ﴾
Nëntëmbëdhjetë janë mbikëqyrësit e tij. (El-Mudeththir:30)

i referohet numrit të mbikëqyrësve dhe udhëheqësve të engjëjve të ngarkuar me dënimin e banorëve të Zjarrit. Ndërsa numrin e përgjithshëm të tyre nuk mund ta përfshijë përshkrimi njerëzor, bazuar në fjalën e Allahut:

﴿وَمَا يَعْلَمُ جُنُودَ رَبِّكَ إِلَّا هُوَ﴾
Ushtritë e Zotit tënd nuk i di askush veç Tij. (El-Mudeththir:31)


Gjithashtu, në hadith thuhet:
“Atë Ditë do të sillet Xhehenemi; ai do të ketë shtatëdhjetë mijë frerë dhe me çdo frerë do të jenë shtatëdhjetë mijë engjëj që do ta tërheqin atë.”

(📚 Tefsiri i Kurtubiut, 19/80.)

Sufjan ibn Ujejne ka thënë:

“Zjarri është krijuar si mëshirë; me anë të frikësimit prej tij, Allahu i paralajmëron robërit e Tij që të ndalohen (nga mëkatet).”

(📚 Përshkrimi i Xhehenemit nga Ibn Ebi’ Dunja, nr. 142.)

𝑸‌𝒆‌𝒏‌𝒅‌𝒓‌𝒂‌ 𝑨‌𝒊‌𝒔‌𝒉‌𝒆✨

🌸 Elhamdulilah! 🌸

Falënderimet e shumta i takojnë vetëm Allahut, Zotit të botëve, i Cili na e mundësoi që edhe këtë vit të diplomohen në Akademinë e Lëndëve Fetare online për Motra plot 57 nxënëse, nga gjenerata e shtatë dhe e tetë. 🎓📚

Për dy vite me radhë, nxënëset përfunduan katër nivele, gjatë të cilave studiuan lëndë dhe libra të ndryshëm, si:

📖 Dyzet Hadithet e Imam Neveviut
📖 Tre Parimet
📖 Historia e Profetit ﷺ
📖 Fikhu i thjeshtësuar dhe i zgjeruar
📖 Libri i Teuhidit
📖 Morali dhe Edukata Islame
📖 Tefsiri i sureve të ndryshme të Kuranit
📖 Texhvidi

Gjatë këtij rrugëtimi, ato mësuan akiden e pastër, Sunetin e Profetit ﷺ dhe kuptuan rëndësinë e madhe të kësaj feje të bukur. Mësimet u përcollën me përkushtim nga mësuese të përgatitura dhe me përvojë në mësimdhënie.

E lusim Allahun që dijen e fituar ta bëjë të dobishme për motrat tona, t’u dhurojë suksese të mëtejshme, t’i bëjë të qëndrueshme në fenë e Tij, t’ua mundësojë ta praktikojnë siç duhet dhe t’ua përcjellin të tjerëve në formën më të mirë.🤲🌟

Sa herë që kjo botë të rëndon, kujto fjalët e Ebu Ubejde ibn Xherrahut (Allahu qoftë i kënaqur me të), kur po e ngushëllonte Omer ibn Hattabin (Allahu qoftë i kënaqur me të):

“O Omer! Përse të shoh të pikëlluar?! A je privuar nga Xheneti apo të është dhënë lajmi se do të hysh në Zjarr?”

Merre më lehtë, sepse kjo nuk është veçse dynja. Janë vetëm disa ditë dhe do të kalojnë, prandaj mos u pikëllo! Gjithçka në të është lodhje dhe çdokush në të është i lodhur.

Falënderimi i takon Allahut që kjo nuk është banesa jonë e përhershme dhe as vendqëndrimi ynë përfundimtar. Vendqëndrimi ynë i vërtetë është pranë Zotit të botëve.

Falënderimi i takon Allahut që kjo është vetëm dynja dhe do të marrë fund. Shpresojmë të takohemi me njerëz pranë të cilëve gjejmë ngushëllim, sepse jeta e vërtetë është vetëm jeta e Ahiretit…”

Omeri (Allahu qoftë i kënaqur me të) qau dhe tha:

“Dynjaja na ndryshoi të gjithëve, përveç teje, o Ebu Ubejde!”

I Dërguari i Allahut ﷺ ka thënë:

“Çdo umet ka besnikun e vet, ndërsa besniku i këtij umeti është Ebu Ubejde ibn Xherrah.”

Qendra Aishe

Sa herë që lodhesh! 🌱

🌸 Kujto se njerëzit më të mirë janë ata që u sjellin më shumë dobi të tjerëve dhe se njerëzit më të mirë janë ata që mësojnë Kur’anin dhe ua mësojnë atë të tjerëve.

🌸Kujto se ai që është i aftë në leximin e Kur’anit do të jetë me engjëjt fisnikë, se për çdo shkronjë ka një shpërblim dhe çdo shpërblim shumëfishohet dhjetëfish dhe se Allahu ia shumëfishon kujt të dëshirojë.

🌸Kujto gjithashtu se Kur’ani e shoqëron njeriun në varr dhe ndërmjetëson për të në Ditën e Kiametit!

A nuk e meriton gjithë kjo përpjekjen?🌱

𝑸‌𝒆‌𝒏‌𝒅‌𝒓‌𝒂‌ 𝑨‌𝒊‌𝒔‌𝒉‌𝒆✨

📢 Njoftim

Të dashura motra,
ju njoftojmë se pas pak do të mbahet Festa e diplomimit Online 🎉

Programi do të përmbajë:
✨ Lexim të ajeteve nga Kur’ani Famëlartë
✨ Fjalë motivuese nga mësueset
✨ Fjalime nga nxënëset e diplomuara
✨ Shpërndarja e diplomave
✨ Dhurata surprizë
✨ Ilahi

♥️ Ju mirëpresim në klasën zanore:
https://us06web.zoom.us/j/7893321690

(Passcode: 000)

🌸CEREMONIA E DIPLOMIMIT🌸
Akademia Online e Lëndëve Fetare për Fëmijë – Qendra Aishe

Sot, Akademia Online e Lëndëve Fetare për Fëmijë diplomon nxënësit e saj.

Këtë vit diplomohen 70 nxënës, 40 prej të cilëve ishin të pranishëm në ceremoninë e diplomimit, ku morën diplomat dhe dhuratat e tyre.

Fëmijët u kënaqën me interpretimet dhe prezantimet që kishin përgatitur, përmes të cilave treguan më së miri sa shumë kishin mësuar, sa kishin përfituar dhe si i kishin kaluar këto tri vite në Qendrën Aishe, pranë mësueseve të tyre të dashura dhe të palodhura.

Me shumë dashuri dhe përkushtim, mësueset janë përpjekur t’ua përcjellin fëmijëve çdo mësim të përgatitur nga qendra në mënyrën më të mirë dhe më të lehtë, në mënyrë që ata ta kuptojnë, ta mësojnë dhe ta zbatojnë në jetën e tyre.

Akademia përbëhet nga tri nivele mësimore, ku secili nivel ndahet në dy semestra. Nxënësit qëndrojnë në akademi për tri vite të plota dhe gjatë kësaj kohe mësojnë lëndë të ndryshme, si:

🌿 Historinë e Profetit Muhamed ﷺ
🌿 Historitë e profetëve të tjerë
🌿 Besimin islam
🌿 Rregullat e fesë
🌿 Hadithe
🌿 Dua
🌿 Moral dhe edukatë islame

Të gjitha këto mësime janë përgatitur posaçërisht për fëmijët e Akademisë së Qendrës Aishe, në një formë të lehtësuar, të qartë dhe të përshtatshme për moshën e tyre.

Mësimet janë zhvilluar përmes programit Zoom, ku çdo mësuese ka shoqëruar grupin e saj nga fillimi i nivelit deri në përfundimin e tij, duke ua mësuar fëmijëve të gjitha lëndët pa u shkëputur prej tyre.

Mësimet zhvillohen gjatë fundjavës, në orare të ndryshme, të përshtatura sipas mundësive dhe dëshirës së nxënësve.

Kjo akademi synon të rrënjosë thellë në zemrat e fëmijëve dijen fetare, dashurinë për Allahun, për Profetin ﷺ dhe për fenë islame, në mënyrë që këta filiza të rriten me besim të fortë, dije të dobishme dhe edukatë të bukur islame. 🌱

Urime, të dashur nxënës! 🎓💐

Allahu ua shtoftë dijen, besimin dhe edukatën e bukur!
Allahu i shpërbleftë mësueset, prindërit dhe të gjithë ata që kanë kontribuar në edukimin dhe arsimimin e këtyre fëmijëve! 🤲🏻

Qendra Aishe