Urolog Dr.Akbarshoh | UROLOG, ANDROLOG, ENDOUROLOG

​🧑‍⚕️ @dr_akbarshoh

​🧑‍⚕️ @dr_akbarshoh

Bepushtlikka duch kelgan erkaklarda sog‘liq bilan bog‘liq muammolar normal fertillikka ega erkaklarga nisbatan ko‘proq uchraydi.

2026-yilda qariyb 446 ming nafar erkak ishtirok etgan tadqiqotda bepushtlikka duch kelgan erkaklarda keyingi yillarda qandli diabet taxminan 28% ko‘proq, yuqori qon bosimi va yurak kasalliklari esa taxminan 20% ko‘proq uchrashi aniqlangan.

2023-yilgi meta-tahlil ham bepushtlikka duch kelgan erkaklarda qandli diabet, yurak-qon tomir kasalliklari va o‘lim xavfi yuqoriroq ekanini ko‘rsatgan.

2,4 milliondan ortiq erkak ma’lumotlari tahlil qilingan boshqa bir tadqiqotda esa bepushtlikka duch kelgan erkaklarda umumiy saraton kasalliklari taxminan 43% ko‘proq uchrashi qayd etilgan. Ayniqsa, moyak saratoni bilan bog‘liqlik yaqqolroq bo‘lgan.

Nega bunday?

Spermatozoidlar ishlab chiqarilishi uchun gormonlar, moyaklar, moddalar almashinuvi va ko‘plab genlarning normal ishlashi zarur. Butun organizmga salbiy ta’sir qiluvchi ayrim buzilishlar bir vaqtning o‘zida erkakning fertilligiga ham ta’sir qilishi mumkin.

Shuning uchun spermogrammada jiddiy o‘zgarishlar aniqlansa, faqat farzandli bo‘lish imkoniyatini baholash bilan cheklanmasdan, erkakning umumiy sog‘lig‘ini ham tekshirish maqsadga muvofiq.

​🧑‍⚕️ @dr_akbarshoh

Xayrli kech!

🍂 Kuz kelib, quyoshli kunlar buyog‘iga kamayib boraveradi. Vitamin D ga analiz topshirib, tekshirtirib qo‘yishni unutmang!

💙💙💙💙💙💙💙💙Bu organizm uchun judayam muhim vitamin.

​🧑‍⚕️ @dr_akbarshoh

To‘g‘ri deganlar reaksiya qoldirib ketingchi! 🔥

​🧑‍⚕️ @dr_akbarshoh

Yana aynan shu paytda ko‘pchilik o‘zini tekshira boshlaydi:

«Pasayib qolmadimi?»
«Hozir bo‘ladimi?»
«Nega avvalgidek qattiq emas?»

Natijada erkak jarayondan zavqlanish o‘rniga, butun e’tiborini ereksiyasiga qaratadi. Uni qanchalik ko‘p nazorat qilishga urinsa, shunchalik zo‘riqish kuchayadi. Bu esa qayta qo‘zg‘alishni qiyinlashtirishi mumkin.

Pozalarning o‘zi ham bir-biridan farq qiladi. Bir pozada bosim va stimulyatsiya ko‘proq, boshqasida esa kamroq bo‘ladi. Ayrim holatlarda chanoq va qorin mushaklari ko‘proq taranglashadi, boshqalarida esa tana bo‘shashadi.

Shuning uchun pozani o‘zgartirganda ereksiyaning biroz susayishi o‘z-o‘zidan qon tomir bilan bog‘liq muammo borligini anglatmaydi.

Ammo ereksiya deyarli har qanday qisqa tanaffusda yo‘qolsa, yaxshi stimulyatsiyada ham qaytishi qiyin bo‘lsa yoki umuman olganda avvalgidan beqarorroq bo‘lib qolgan bo‘lsa, uning sababini aniqlash uchun mutaxassisga murojaat qilish kerak.

​🧑‍⚕️ @dr_akbarshoh

😁😆😁 ​Jinsiy aloqa – bu nafaqat rohat, balki sog‘liq uchun tabiiy terapiya hamdir. Bu paytda tanangizda qon aylanishi, testosteron, va energiya oshadi!

​🧑‍⚕️ @dr_akbarshoh

#kino_tavsiya

❤️‍🔥Agar siz romantika, ehtiros va dramaga boy kinolarni yoqtirsangiz, navbatdagi tavsiya:

⚪ "Любовь и другие лекарства"

Kino qahramonlari:
Jeymi – bittada har qanday ayolni rom qiladigan yigit

Meggi – erta Parkinson kasalligiga chalingan, lekin hech kimga bog'lanishni istamaydiyan g'ururli qiz.

🔞 Faqatgina ehtiros, yaqinliklar bilan boshlangan munosabatlar nima bilan tugashi sizni qiziqtirsa, kinoni ko'rib chiqishingizni tavsiya qilaman.

​🧑‍⚕️ @dr_akbarshoh

❌ O‘zingizni turli “maslahatlar” va afsonalar bilan qiynamang.

✅ Jinsiy salomatlik haqida to‘g‘ri va ishonchli ma’lumotga ega bo‘ling.

🛑 Muammo yoki xavotir bo‘lsa, internetdagi taxminlarga emas, mutaxassisga murojaat qiling!

​🧑‍⚕️ @dr_akbarshoh

🧬 Otalikni kechiktirish ham genetik xavflarni oshirishi mumkin!

Ko‘pchilik farzand ko‘rishda yosh faqat ayollar uchun muhim deb hisoblaydi. Ammo ilmiy tadqiqotlar erkakning yoshi ham bo‘lajak farzandning genetik salomatligiga ta’sir qilishini ko‘rsatmoqda.

🔬 Olimlar nimani aniqlashgan?

Erkak organizmida spermatozoidlar butun umr davomida ishlab chiqariladi. Ularni hosil qiluvchi hujayralar muntazam bo‘linadi va DNK nusxalanadi.

Yillar o‘tishi bilan ushbu jarayonda yangi genetik mutatsiyalar to‘planishi mumkin.

💡 Tadqiqotlarga ko‘ra, ota yoshining har bir qo‘shimcha yili farzandda o‘rtacha 2 taga yaqin yangi genetik mutatsiya bilan bog‘liq.

Masalan, 40 yoshli otaning farzandida 25 yoshli otaning farzandiga nisbatan o‘rtacha 30 taga yaqin ko‘proq yangi mutatsiya uchrashi mumkin.

⚠️ Bu xavflimi?

Har bir mutatsiya kasallik degani emas. Ularning aksariyati salomatlikka sezilarli ta’sir ko‘rsatmaydi.

50 yoshli erkak ham mutlaqo sog‘lom farzand ko‘rishi mumkin.

Biroq otaning yoshi katta bo‘lishi ayrim kam uchraydigan genetik kasalliklar xavfining oshishi bilan bog‘liq.

✍️ Xulosa

Farzand rejalashtirishda faqat ayolning emas, erkakning yoshi ham hisobga olinishi kerak.

Otalikni uzoq yillarga kechiktirish biologik jihatdan butunlay xavfsiz, deb bo‘lmaydi.

Sizningcha, erkaklar necha yoshgacha ota bo‘lishni rejalashtirgani ma’qul?

​🧑‍⚕️ @dr_akbarshoh

#tavsiya

​🧑‍⚕️ @dr_akbarshoh

Jinsiy aloqada "xarajat qiluvchi" tomon erkak kishi.

Ya'ni belining quvvatini ketkazib maniy to'kuvchi u. Yaxshiyam aloqa uchun ayollar erkaklar kabi shunday kuch sarflamaydi.

Aks holda bundan-da ko'proq rad qilar edilar!

Aslida, bu maniy deganlari qon kabi serob emas. Bir marta to'kkandan keyin yana ishlab chiqarish uchun vaqt talab qiladi.

Shunda ham erkaklar "saxiylik" qiladi! 😁)

​🧑‍⚕️ @dr_akbarshoh

— Tez boʻshanish...
— Denervatsiya!
​— Jarayonni boshqarolmaslik...
— Denervatsiya!
​— Jinsiy xohish yoʻqligi...
— Denervatsiya!

​Bir oʻq bilan 3 ta quyonni urish — Denervatsiya!

​Qabulimga kelayotgan juda koʻp erkaklarni aynan mana shu zanjir kabi bir-biriga bogʻlangan muammolar qiynaydi. Lekin zamonaviy tibbiyotda ularning barchasiga bitta xavfsiz va uzoq muddatli yechim mavjud.

​Sizga bu mavzu qiziqmi? Izohlarda + qoldiring.

​🧑‍⚕️ @dr_akbarshoh

Xayrli kech! Men ham bu borada fikrimni bildirdim. Bolalarimizga jinsiy tarbiya mana nima uchun kerak!

​🧑‍⚕️ @dr_akbarshoh

🚀​ 13 yildan ortiq ...
Nega aynan Andrologiya?

​Ish faoliyatimning ilk kunlaridanoq men faqat bir yo‘nalishni, ya'ni andrologiya va erkaklar salomatligini tanladim.

O‘sha paytlarda andrologiya hozirgidek nufuzli, moda bo‘lgan yoki ommabop soha emasdi. Shifokorlarning deyarli hammasi umumiy urologiya, laparoskopiya, endoskopiya kabi katta jarrohlik yo‘nalishlari ortidan yugurardi.
🟡 Bugun esa vaziyat butunlay o‘zgargan. Hozir e’tibor bersangiz, oddiy  shifokorlar ham o‘zini osongina Androlog deb tanishtiradigan zamon bo‘ldi.

🟡 ​Lekin mening qalbimga o‘sha paytlardayoq, hali bu soha hech kimga qiziq bo‘lmagan pallada ham aynan andrologiya va erkaklar salomatligi yaqin bo‘lgan. O‘zimni shu yo‘nalishda ko‘ra olganman.

🟡 Magistraturani Moskvada o‘qigan bo‘lsam-da, O‘zbekistonga urolog androlog va erkaklar salomatligi bo‘yicha jarroh bo‘lib qaytdim.

❇️ ​Alloh nasib qilib, shu 13 yildan ortiq tajribam ichida 100.000 dan ziyod bemorlarni qabul qildim, ularning eng yashirin dardlariga sherik bo‘ldim. 5000 dan ortiq muvaffaqiyatli operatsiyalarni o‘tkazdim.

🟡 Bugun kelib Urolog androlog bo‘lib ishlayman emas, balki shu sohaning ichida yashayapman, desam to‘g‘riroq bo‘ladi. Chunki har bir sog‘lom erkak, bu bitta baxtli oila demakdir.
​
​🧑‍⚕️

Assalomu alaykum! Keling, bugungi mavzuni siz tanlang! 😊

Izohlarda yozing-chi, bugun sizga qaysi mavzuda mutaxassis maslahati kerak?

​🧑‍⚕️

❤️❤️❤️❤️

Jinsiy olat qiyshiq bo‘lsa...

​🧑‍⚕️

🚀 Uy sharoitida olatda muammo borligini qanday aniqlash mumkin?

Jinsiy aʼzoning tashqi ko‘rinishiga qarab ham baʼzi muammolarni bilib olsangiz bo‘ladi.

Quyidagi belgilar bo‘lsa, e’tiborli bo‘ling:

1️⃣ Toshmalar – jinsiy olatda yoki boshchasida turli xil toshmalar paydo bo‘lishi.

2️⃣ Qizarish yoki shish – jinsiy a’zo terisi qizarishi, shishishi yoki odatdagidan o‘zgarishi.

3️⃣ Jinsiy olatning juda qiyshiqligi – agar qiyshiqlik siyish, jinsiy aloqa yoki urug‘ ajralishiga xalaqit berayotgan bo‘lsa, shifokorga murojaat qilish kerak.

❗️Shu belgilar sizda ham kuzatilsa, vaqtni cho‘zmasdan urolog-androlog ko‘rigidan o‘ting.

​🧑‍⚕️

#Doktoringizdan_tavsiya

❓ Shirin gazli ichimliklar soch to‘kilishiga sabab bo‘ladimi?

«Limonad va shirin gazli ichimliklar erkaklarni ommaviy ravishda kal qilmoqda» degan xabarlar tarqalmoqda. Xo‘sh, bu gap qanchalik haqiqat? 😁

Tadqiqotlarda shakarli ichimliklarni ko‘p iste’mol qilish bilan erkaklarda uchraydigan androgenetik alopetsiya – sochning erkakcha tipda to‘kilishi o‘rtasida bog‘liqlik aniqlangan.

Masalan, 2023-yilda Nutrients jurnalida e’lon qilingan tadqiqotda 1000 dan ortiq erkak ishtirok etgan va shakarli ichimliklarni ko‘proq iste’mol qilganlarda soch to‘kilishi ko‘proq uchrashi kuzatilgan.

Ammo muhim jihat bor: bu tadqiqot sabab-oqibatni isbotlamaydi. Ya’ni «limonad ichsangiz, albatta sochingiz to‘kiladi» degan xulosa chiqarish noto‘g‘ri.

Shunday bo‘lsa-da, shakarli ichimliklarni muntazam va ko‘p iste’mol qilish organizm uchun foydali odat emas. Sog‘lom ovqatlanish, yetarli oqsil va zarur vitamin-minerallarni olish soch salomatligi uchun ham muhim.
Soch to‘kilishi kuchaygan bo‘lsa, sababni faqat gazli ichimliklardan qidirmang. Bunda irsiyat, gormonal omillar, stress, qalqonsimon bez faoliyati, temir va vitaminlar yetishmovchiligi kabi ko‘plab omillar ham rol o‘ynashi mumkin.

Nima bo‘lganda ham, sun’iy qo‘shimchalar, ortiqcha shakar va qayta ishlangan mahsulotlarga boy ichimlik hamda ovqatlarni me’yoridan ortiq iste’mol qilish salomatlik uchun zarar. Imkon qadar tabiiy va to‘g‘ri ovqatlanishga harakat qiling!

​🧑‍⚕️