Ibnu Munewor (ኢብኑ ሙነወር)

ቀልብ የፅድቅም የጥፋትም የእዝ ማዕከል
~
ጀነት ነፍስ በምትጠላቸው ነገሮች ተከባለች፤ ጀሀነም ደግሞ ነፍስ በምትወዳቸው ሸይጧን በሚያስውባቸው አማላይ ነገሮች፡፡ በብዙ ሁኔታዎቻችን ከአረሕማን ይልቅ ለሸይጧን የቀረብን ነን፡፡ ዐይኖቻችን፣ ጆሮዎቻችን፣ እጆቻችን፣ እግሮቻችን፣ እንዲሁም ምላሳችን ለሸይጧናዊ ተልእኮ የሰሉ ናቸው፡፡ ቀላሉን አምላካዊ ክልከላ መታገስ አቅቶን ከባባድ ሸይጧናዊ ልፋት ላይ እንተጋለን፡፡ ሁሉም የሰውነታችን ክፍሎች ለጥፋት ሲተባበሩ፣ አንዳቸው ብቻ ለሚበቁት ኸይር ግን ተባብረውም ይዝላሉ፡፡ ይሄ ሁሉ የሚሆነው እንግዲህ ማዕከሉን “ዋግ” ሲመታው ነው፡፡ ቀልብ በሺርክ፣ በቢድዐ፣ በስሜት፣ ለሙስሊሞች በምታረግዘው ክፋት፣ … ከተበከለች ታማ፣ ታውካ፣ አመርቅዛ ትሞታለች። ታዲያ ቀልብ ስትሞት ሞቷ ለኸይሩ እንጂ ለሸሩማ ኢንኩቤተር ትሆናለች - ክፉ የሸር መፈልፈያ። ብቻ ሂወቷ በኢማን ካልኩሌተር ሲሰላ ያለ ኢማን ሂወት የለምና ሞታለች - የምር ሞት! ከዚያስ? ከዚያማ ቀልብ ተበላሽታ ሌላው ሰውነት ምን ጤና ሊኖረው? የአካል እንቅስቃሴ በሙሉ ደመ-ነፍሳዊ ይሆናል። ተንቀሳቃሽ ሙት! ግድግዳ የተጠጋ እንጨት ሆኖ ሂወት እንዳለው ያስባል፡፡

ከዚህ በኋላ ዐይንም ዐይን ጆሮም ጆሮ አልሆነም፡፡ የሰማያትና የምድር አፈጣጠር፤ የሌሊትና የቀን መተካካት ለሱ ከታክሲዎች መተላፍ፣ ሽንት ቤት ደርሶ ከመመለስ ብዙም ልዩነት የለውም፡፡ ችግሩ ከማዕከሉ ነዋ!

(أَفَلَمۡ یَسِیرُوا۟ فِی ٱلۡأَرۡضِ فَتَكُونَ لَهُمۡ قُلُوبࣱ یَعۡقِلُونَ بِهَاۤ أَوۡ ءَاذَانࣱ یَسۡمَعُونَ بِهَاۖ فَإِنَّهَا لَا تَعۡمَى ٱلۡأَبۡصَـٰرُ وَلَـٰكِن تَعۡمَى ٱلۡقُلُوبُ ٱلَّتِی فِی ٱلصُّدُورِ)

"ለነርሱም በነርሱ የሚያውቁባቸው ልቦች ወይም በነርሱ የሚሰሙባቸው ጆሮዎች ይኖሩዋቸው ዘንድ በምድር ላይ አይሄዱምን እነሆ ዐይኖች አይታወሩም። ግን እነዚያ በደረቶች ውስጥ ያሉት ልቦች ይታወራሉ፡፡" [አልሐጅ፡ 46]

በሌላ በኩል ልብ ከተስተካከለች፣ በኢማን ከተዋበች፣ በተቅዋ ካሸበረቀች መላ ሰውነት ጤና ይኖረዋል፡፡ ፊትም ኑር ይላበሳል፡፡ ዐይኖች በሐራም አይገግሙም፡፡ ጆሮዎች ለሙዚቃ አይቆሙም፡፡ ምላስም የሀሜት ማሽን አትሆንም፡፡ ከውጭ ሙስሊም ያልሆነ ገፅታ እየተስተዋለ ምላስ “ዋናው ልብ ነው” እያለች አታሽቃብጥም፡፡ ማዕከሉ ነቅቶባታላ!

ልብ ስትስተካከል እውነተኛ ማንነት ይገኛል፡፡ ከውስጥም ሙስሊም፣ ከውጭም ሙስሊም! በሐያእ የለሰለሰ፣ በውጭ ገፅታው ያልተኮፈሰ፣ በልቡ የመጠቀ፣ ከእንቶ ፈንቶ የራቀ ልዩ ስብእና! አቡበክር ሲዲቅ ረዲየላሁ ዐንሁ ከሌሎች በተለየ የላቁት በሶላትና በፆማቸው ብዛት አልነበረም፡፡ ይልቁንም ልባቸው ውስጥ በፀደቀ ነገር ነበር። ኢማን! የቀልብ ልዩ ክብር!

ባጭሩ ጥፋታችንም ልማታችንም ከልብ ጋር የተሳሰረ ነው ማለት ነው፡፡ ታዲያ እኔና እርሶ የቱጋ ነን? ሰገነት ወይስ ጫማ ተራ? ነው ወይስ መሀል ሰፋሪ? በሌላ አነጋገር ልባችን ጤነኛ ነው? በሽተኛ ነው? ወይስ ሞቷል? ለካ ይህንንም ለማወቅ ልብ ያስፈልጋል፡፡ "ባለ ልቦናዎቹ እንጂ አይገነዘቡም" አይደል ያለው ኻሊቁ?

አንተ ልቦችን ገለባባጭ የሆንከው ጌታችን ሆይ! ልቦቻችንን ወደ ትእዛዝህ አዙርልን። በዲንህም ላይ አፅናን፡፡ አላሁመ ኣሚን፡፡

(ኢብኑ ሙነወር፣ 2001)
https://t.me/IbnuMunewor
https://t.me/IbnuMunewor

"የኛዎቹ"ም ቢሞክሩት
~
ዛምቢያዊው ፓስተር ጀምስ ሳካራ "እንደ እየሱስ በሶስተኛው ቀን መቃብር ፈንቅዬ እነሳለሁና ከነ ህይወቴ ቅበሩኝ" በማለት ተከታዮቹን ባዘዘው መሰረት ከነ ነፍሱ ይቀብሩታል፡፡

ከሶስት ቀን በኋላ ቢመለሱ መቃብር ቆፍሮ አልወጣም። ሲቆፍሩ ጊዜ ሞቶ አገኙት። አሁን የዛምቢያ ፖሊስ ይህን ድርጊት የፈፀሙትን ማምሻውን ሰብስቦ ዘብጥያ ማውረዱ እየተዘገበ ነው፡፡ አጠፉ እንዴ ጎበዝ?!
.
እዚህ ላይ አንዲት እናት ከአመታት በፊት ደሴ ከተማ ውስጥ ስታወራ የሰማኋት ነገር ትዝ አለኝ። አንዷ ቅጥ ያጣ የሴቶች መብት ስብከት ሰለባ የሆነች ሴት አንዱን ገበሬ ከፍ ዝቅ አድርጋ ህዝብ ፊት ታከላፍተዋለች።
"ኧረ እረፊ!" ብሎ ቢያስጠነቅቅ
"እስኪ ጫፌን ንካኝ። ዛሬ እንደ ድሮው መስሎሃል!" እያለች ተንጣጣችበት። ያላሰበውን አሳሰበችው።

አሁንም ቢያስጠነቅቅ በጣቷ ወደ ግንባሯ እየጠቆመች "እስኪ ይቺን ንካኝ" አለችው።
ድንገት እራሱን መቆጣጠር አቃተውና በያዘው ዱላ የጠቆመችው ቦታ ላይ በዱላ መታት።
"እሪሪይ!" ብላ መጮህ።
"እየባሰ ሄደ! ምን አጠፋሁ ጎበዝ?! 'እዚህ ላይ' አለችኝ፣ እዚያው ላይ መታሁ። ቦታ ሳትኩ'ንዴ?" አለ ሰውየው።

ፖሊስ መጥቶ "ምራ!" ሲለው እንደለመደው፡
"እየባሰ ሄደ!" ይላል።
ፖሊሶች፡ "ጭራሽ ሊስፈራራን ነው ወይ 'እየባሰ ሄደ!' የሚለው?" ብለው ይቆጣሉ።
ተሰብሳቢው ሰው፡ "ኧረ ሲያወራ ልምድ ሆኖበት እንጂ ለናንተ ብሎ አይደለም" ይላሉ።
ፖሊሶች እያዋከቡ ወደ እስር ቤት ወሰዱት።
.
እና እነዚህ በፖሊስ የታሰሩ ዛምቢያውያን ጉዳይ ገርሞኝ ነው። የዚህን ጣጠኛ አጭቤ ነቢይ ትእዛዝ ፈፅመው ተአምር ሲጠብቁ ካቴና አጠለቁ። ጉድና ጅራት በስተኋላ ነው አሉ።

(ኢብኑ ሙነወር፣ ጳጉሜ 2/2014)
=
የቴሌግራም ቻናል፦

አስቸኳይ የሕክምና ሪፖርት
ቀን: ኦገስት 24, 2026 እ.ኤ.አ.
የታካሚዋ ስም: ሀናን አህመድ
የሕክምና ቦታ: መካ ሆስፒታል
የጤና ሁኔታ እና የምርመራ ዝርዝር:
የቀድሞ ህክምና ዓይነት: ታካሚዋ ቀደም ሲል ሶስት (3) የቀዶ ሕክምናዎችን አድርጋለች።
አሁን ያለችበት ሁኔታ: የቀዶ ሕክምናው ቦታ በጣም አሳሳቢ፣ ተነካኪ እና በከፍተኛ ደረጃ አስቸጋሪ (አስጊ) ሁኔታ ላይ ይገኛል።
አደጋው: የቀዶ ሕክምናውን ቦታ ለመነካካት፣ ለመክፈት ወይም ፈሳሽ ለመጭመቅ/ለማፍሰስ የሚደረግ ማንኛውም ሙከራ ቀጥተኛ አደጋ የሚያስከትል እና በህይወቷ ላይ እውነተኛ ስጋት የሚፈጥር ነው።
የሕክምና ማስታወሻዎች: በቀዶ ሕክምናው ቦታ ላይ የደም እና የነጭ ደም (መግል) ስብስብ አለ፤ በመሆኑም አሁን ባለው ሁኔታ ቦታውን መነካካት ወይም የቀዶ ሕክምና ጣልቃ ገብነት ማድረግ እጅግ አደገኛ በመሆኑ ሁሉም ሰው እንዳይነካው ይሰጋል።

ኑ እህታትን እነተባበራ በዚህመም ምክንያት ምንም ነገር እንዳሰሪ ስለተባለች ወደ ሀገር መግባት ትፈልጋለች ህግ ውጥ ናት ፡
ለዚህም ወደ ሀገር ለመግባት

ወረቀት ያስፈልጋታ
የአየር ትኬት ያስፈልጋታል
9.000ሺርያል እዳ አለባት

ከዚህ በፊት በነበራት ሶስትጊዜ ኦፕሬሽን 25.000ርያል አውጥታለች በዚህም ምክንያት እዳ፡ገባች ፡ይሄ ሁሉ መነሻው ደም ማነስ ፡ነው በሁለት ወር ውስጥ ነው ሁሉም ነገር የተቀያየረው ፡ ሌላ አማራጭ ስለሌ ብቻ ነው ፡

"ወደ መልካም ነገር ያመላከተ ሰው፣ ያንን መልካም ስራ እንደሰራው ሰው አይነት ምንዳ (አጅር) አለው።"

አካውት እህታችንን ለመርዳት

ንግድ ባንክ፡1000586128977

አሚነት ጡሃ ዑመር



https://t.me/+pT5OceZcGRU3ZDNk

👁👁👁👁አስደሳች ዜና

የአወሊያ የጤና ማዕከል መቀመጫውን ዩናይትድ ኪንግደም ካደረገው የአል - በስር ኢንተርናሽናል ፍውንዴሽን ጋር በመተባበር ነፃ የሆነ የአይን ሞራ ገፋፋ ህክምና ከ መስከረም 4 እስከ 7/ 2019 አ.ል ይሰጣል።

👉በመሆኑም ከጳግሜ አንድ ጀምሮ ዊንጌት ተሻግሬ በሚገኘው የአወሊያ ጤና ጣብያ መጥተው መመዝገብ የሚችሉ መሆኑን ስንገልፃላችሁ በታላቅ ደስታ ነው።

👉ለበለጠ መረጃ
+251911599329
+251912410372
👉ይደውሉ

እባክዎ መረጃውን share ያድርጉ
Telegram
ይህች ሰብብ ልትሆን ትችላለች ቁርዓን ለመቅራት የተቸገሩ ካሉ ከዉጪ የመጡ የአይን ሀኪሞቾ በነፃ ... ሼር አድርጉላቸው
https://t.me/cataract2026

የሃይለ ስላሴ መንግስት ኤርትራ ከኢትዮጵያ ጋር የነበራትን የፌዴሬሽን ትስስር አፍርሶ ሲያዋህድ የነፍጥ ትግሉን ሀ ብሎ የጀመረው ሓሚድ ኢድሪስ አዋቴ እንደሆነ ይነገራል። ሰላሳ አመት በወሰደው የኤርትራ የነፃነት ትግል ላይ ሙስሊሞቹ ፋና ወጊ ነበሩ። ነገር ግን ገና ከነፃነቱ ጫፍ ሳይደርሱ ነው በሸዕቢያ አከርካሪያቸው የተመታው። ከነፃነት በኋላም ለኤርትራ ሙስሊሞች የኢሳያስ መንግስት ከደርግ የባሰ እንጂ የተሻለ አይደለም።

በህወሃት ትግል ላይም የትግራይ ሙስሊሞች አጥንታቸውን ከስክሰው ደማቸውን አፍስሰው ብዙ ዋጋ ከፍለዋል። ይሁን እንጂ አክሱምን እንዳያረክሱ ተብሎ መስገጃና መቃብር ተነፍገዋል። ከዚህ በላይ ጭካኔ የለም። ሴቶች ልጆቻቸውም ሻሽ ለብሰው እንዳይማሩ ተከልክለዋል። ጭፈራና አስካሪ መጠጥ የማያረ^ክሳት አክሱም በመስጂድና በሙስሊም መቃብር እንደምትረክስ የሚታመነው ሙስሊሞች በክልሉ ወሳኝ ሃይሎች ዘንድ ምን ያህል የተናቁ እንደሆኑ በቂ ማሳያ ነው።

ሌሎቹም "የነፃነት ትግሎች" ከዚህ የራቀ እይታና ግብ የላቸውም። ጠቅላይ ሚኒስትሩን ለመቃወም አሕመድ ዐሊ የሚለውን የአባቱን ስም እንደማታገያ የሚጠቀም ኋላ ቀር ስብስብ ከስም ባለፈ ጠቅላዩ ሙስሊም ቢሆን ኖሮ ዘመቻቸው ዛሬ ከምናየውም የተለየ ይሆን ነበር።

ቀላል የማይባል ሙስሊም ግን በነዚህ አካላት የማይረባ ፕሮፓጋንዳ እየተጠለፈ አብሮ በመሰለፍ ከባድ ዋጋ ሲከፍል ይታያል። መስዋእትነት አልልህም። ዱንያ ኣኺራህን እያጣህ ኪሳራ እንጂ ቅንጣት ታክል መስዋእትነት አታገኝም። ለነዚህ እምነትህን ለሚፀየፉ አካላት ህይወትና ንብረትህን ቀርቶ እንቅልፍህን ልትሰዋላቸው አይገባም። ለራስህም፣ ለቤተሰብህም ብትኖር ነው የሚሻለው። በውጥረትና በትግል ላይ እያለ እምነትህን ያላከበረ አካል በተደላደለ ሁኔታ ላይ ሲሆን መብቴን ያከብራል ብለህ አታስብ።

=
የቴሌግራም ቻናል፦

"ዒደል ፊጥርና ዒደል አድሓም ቁርኣን ውስጥ አልተጠቀሱም" ይላል አንዱ። ቁም ነገር መፃፉ ነው በሱ ቤት። በዚህ ደረጃ ናቸው ሰዎቹ። አምስቱ ሶላቶችም ከነ ረከዐቸው በቀጥታ ቁርኣን ውስጥ አልተጠቀሱም። ስለዚህ ምን ይሁን? ሐዲሥ ልክ እንደ ቁርኣን አስተማማኝ ማስረጃ መሆኑ ማንም ሙስሊም ዘንድ የታወቀ ነው። ሁለቱን ዒዶች የሚመለከቱ የሐዲሥ ማስረጃዎች ደግሞ እጅግ ብዙ ናቸው። በኢስላም ከነዚህ ሁለት በዓላት ውጭ ሌላ አመታዊ በዓል የለንም። ነብዩ ﷺ ወደ መዲና ሲገቡ ጊዜ የመዲና ሰዎች የሚጫወቱባቸው ሁለት በዓላት ነበሯቸው። “ምንድን ናቸው እነኚህ ቀናት?” ሲሉ ጠየቁ። እነሱም፡ “ከጃሂሊያህ ዘመን ጀምሮ የምንጫወትባቸው ቀናት ናቸው” አሉ። በዚህን ጊዜ እንዲህ አሉ መልእክተኛው ﷺ፦

قَدْ أَبْدَلَكُمُ اللهُ بِهِمَا خَيْرًا مِنْهُمَا: يَوْمَ الْأَضْحَىٰ وَيَوْمَ الْفِطْرِ
“አላህ እነዚህን ቀናት ከነሱ በተሻሉ ተክቷችኋል፡- እነሱም የአድሐ ቀን እና የፊጥር ቀን ናቸው።” [አን-ነሳኢይ፡ 1556] [አስ-ሶሒሐህ፡ 2021]

ሲጀመር የዒደል ፊጥርና ዒደል አድሓ በቁርኣን አለመጠቀስ በአራተኛው መቶ ክፍለ ዘመን በሺዐዎች ለተጀመረው የመውሊድ ቢድዐ በምን አግባብ ማስረጃ ይሆናል? ምሳሌያችን ነብያችን ﷺ እንጂ ሺ0ዎች አይደሉም። ጌታችን እንዲህ ይላል፦

{ لَّقَدۡ كَانَ لَكُمۡ فِی رَسُولِ ٱللَّهِ أُسۡوَةٌ حَسَنَةࣱ لِّمَن كَانَ یَرۡجُوا۟ ٱللَّهَ وَٱلۡیَوۡمَ ٱلۡـَٔاخِرَ وَذَكَرَ ٱللَّهَ كَثِیرࣰا }
"ለእናንተ አላህንና የመጨረሻውን ቀን የሚከጅል ለሆነ ሰው፣ አላህንም በብዙ ለሚያወሳ በአላህ መልዕክተኛ መልካም መከተል አልላችሁ።" [አልአሕዛብ፡ 21]
~
ቴሌግራም ቻናል፡-

የሱፊያ ጭፈራ በዑለማእ እይታ
~
1. ኢማሙ ማሊክ፡-

“እኛ ዘንድ ሱፊያ የሚባሉ ሰዎች አሉ። በብዛት ይበሉና ከዚያ ያንጎራጉራሉ። ከዚያም ተነስተው ይጨፍራሉ” ሲሏቸው
* “ህፃናት ናቸው ወይ?” ብለው ጠየቁ።
- “አይደሉም” አሏቸው።
* “እብ ^ዶች ናቸው?” ሲሉ
- “አይደሉም። ሸይኾች ናቸው” አሏቸው።
* “እኔ ከኢስላም ሰዎች ይህን የሚሰራ አንድም አልሰማሁም” አሉ። [ተርቲቡል መዳሪክ፡ 2/53]

2. አቡል ወፋእ ኢብኑ ዐቂል፡-

"በዜማና የመሳሪያ ድምፅ እየተከተለ የሚደንስና የሚጨፍር ባለ ፂም ማየት ምንኛ አስቀያሚ ነው? ባለ ሽበት ሲሆን ደግሞ የባሰ ነው! በተለይ ደግሞ በወጣቶችና በሴቶች ድምፅ ሲታጀብ። ከፊቱ ሞት፣ ጥያቄ፣ መቀስቀስና ሲራጥ ያለበት፣ ከዚያም ከሁለቱ አገሮች ወደ አንዱ የሚሆን ሰው እንደ እንስሳት ዝላይ ሊዘል፣ እንደ ሴቶች ማጨብጨብ ሊያጨበጭብ እንዴት ይዋጥለታል?" “ሱፊዮች ስራን ያበላሻሉ። የእምነት መሰረቶችን ያናጋሉ። ቦዘኔነትንና ዜማ ማዳመጥን ይወዳሉ።” [ተፍሲሩል ቁርጡቢይ፡ 10/263]

3. ኢብኑል ጀውዚይ፡-

የሱፊያ ክፍሎችን ተግባር አንስተው ባወገዙበት እንዲህ ብለዋል:– “በየምግቡ ላይ ይቀመጣሉ፡፡ ሲጠግቡ ጊዜ ይደንሳሉ፡፡ … ከመዐቶቻቸው ሁሉ የከፋው መዐት ግን ይህንን (ጭፈራ) መቃረቢያ (ዒባዳ) አድርገው መሞገታቸው ነው፡፡ ዳንስን ወደ ላቀው አላህ መቃረቢያ ነው ብሎ የሞገተ ሰው እንደሚከ -ፍ*ር በርግጥም የዑለማዎች ኢጅማዕ ተቋጥሯል፡፡” [ሶይዱል ኻጢር፡ 168]

4. አል-ቁርጡቢይ፡-

“ሱፊዮች የፈጠሩትን (ዜማ) በተመለከተ በክልክልነቱ ላይ ውዝግብ ከማይነሳበት ነገሮች ነው። ነገር ግን ብዙ በመልካም የሚታሰቡ ሰዎችን ስሜት አሸንፏቸዋል። ብዙዎቹ ላይ የእ-ብ-ዶችና የህፃናት ስራዎች እስከሚታዩባቸውና በተጠና መልኩ እስከሚደንሱ ደርሰዋል። ከዚያም ከፊል ሰዎች መቃረቢያና መልካም ስራ እስከማድረግ ደረሱ።…” [ተፍሲሩል ቁርጡቢ፡ 14/54]

5. አስ-ሲዩጢይ፡-

"ከነዚህም (ከቢድዐዎች) ውስጥ የሆነው በመስጂድ ውስጥ የሚፈፀም ጭፈራ፣ ዘፈን፣ ድቤ መምታት፣ ማሲንቆና ሌሎችም የሙዚቃ መሳሪያዎች ናቸው፡፡ ይህንን ከመስጂድ ውስጥ የፈፀመ ሊባረርና ሊደበደብ የሚገባው ጠ -ማ -ማ ሙብ -ተ-ዲዕ ነው፡፡ ምክንያቱም አላህ እንዲላ፞ቅ ያዘዘውን ነገር እያቃለለ ነውና፡፡ … (ከመስጂድ ውስጥ) የዘፈነ ወይም የጨፈረ ቅጣት የሚገባው የሆነ ጠሞ አጥ -ማሚ ሙብ -ተ-ዲዕ ነው፡፡” [ሐቂቀቱ ሱና፞ ወልቢድዐ፡ 191]

በነገራችን ላይ ይሄ መስጂድ ውስጥ መጨፈር የመካ ሙሽሪkoች ተግባር ነው። አላህ እንዲህ ብሏል:-

‏﴿وما كان صلاتهم عند البيت إلا مكاء وتصدية فذوقوا العذاب بما كنتم تكفرون﴾
"በቤቱ ዘንድም (በካዕባ) ስግደታቸው ማፏጨትና ማጨብጨብ እንጂ ሌላ አልነበረም። ትክዱት በነበራችሁትም ነገር ቅጣትን ቅመሱ (ይባላሉ)።" [አንፋል፡ 35]

=
( Ibnu Munewor ፣ ጥቅምት፡ 27/2012)