SABBATH SCHOOL(ሰንበት ትምህርት )

እሑድ
ጥቅምት 8
Oct 18

ኢየሱስ እንደ ነቢይ

ሙሴ እንዲህ ሲል ተነበየ፣ “አምላክህ እግዚአብሔር ከአንተ መካከል፣ ከወንድሞችህም እንደ እኔ ያለ ነቢይ ያስነሳልና፣ እርሱንም ታደምጣለህ” (ዘዳ 18:15)። ያ ነቢይ ማን ነው? የእግዚአብሔር ቃል ራሱ ግልጽ አድርጎታል። ወደ ኢየሱስ ወደ እራሱ እያመለከተ ነው። “ሙሴም ለአባቶች ‘ጌታ አምላክ እኔን እንዳስነሳኝ ከወንድሞቻችሁ ያስነሳላችኋል በሚነግራችሁ ሁሉ እርሱን ስሙት’ አለ” (የሐዋ 3:22፣ዮሐ 6:14ንም ይመልከቱ)። የኢየሱስ የነቢይነት ሚና ምን ነበር? ኢየሱስ ይህን ጥያቄ እንዴት መለሰ? (ማቴ 16:13-16፣ማር 8:27-29፣ሉቃ 9:18-20)።

Save Notes
የብሉይ ኪዳን ነቢያት ሁሉ ያመላከቱት ወደ ኢየሱስ ክርስቶስ ወደ መሲሁ ነበር። በአዲስ ኪዳን ኢየሱስ የመሲሐዊ ትንቢቶቻቸው ፍጻሜ መሆኑ ተገለጸ። በሉቃስ 24:13-15 ላይ መሲሐውያን ነቢያት የተናገሩለት እርሱ ራሱ መሆኑን መሰከረ።

እንዲያውም በዮሐንስ 1:1-5 ስለ ቃሉ የተሰጠው መግለጫ ለማንኛውም ሰብዓዊ ፍጡር ወይም ለሰብዓዊ ነቢይ አይመጥንም (አይገጥምምም)። ቃሉ ፈጣሪ መሆኑ ተገልጧል፦ “ሁሉ በእርሱ ሆነ፣ ከሆነውም አንዳች እንኳን ያለ እርሱ አልሆነም”(ዮሐ 1:3)። ይህ ማለት የተፈጠረውን ሁሉ፣ 93 ቢሊዮን የብርሃን ዓመታት (light years) ስፋት እንዳለው የሚገመተውን አለማትን በሙሉ ፈጠረ ማለት ነው።

በዘፍጥረት 1 ላይ “እግዚአብሔርም አለ” በሚለው በእያንዳንዱ ንግግር ኢየሱስ ሲናገር እንሰማለን። “ብርሃን ይሁን” ያለው(ዘፍ 1:3) እርሱ እራሱ የዓለም ብርሃን ነው (ዮሐ 1:4)። ከዚህ የተነሳ በመዳን ዕቅድ መሠረት የምድርን ጨለማ ገፈፈ (ዮሐ 1:4-5)።

የእግዚአብሔር ትንቢታዊ ቃላት የታመኑና እውነቶች ናቸው። ለሚሰማቸው ሁሉ “ምድርም እስኪጠባ ድረስ የንጋትም ኮከብ በልባችሁ እስኪወጣ ድረስ በጨለማ ስፍራ የሚያበራ ብርሃን” ናቸው (2ኛ ጴጥሮስ 2:19)። “የንጋት ኮከብ” የሆነው ኢየሱስ እስኪመጣ ድረስ ትንቢት ለዚህ የጨለማና የኃጢአት ምድር ማብራቱን ይቀጥላል። የዚያ ትንቢታዊ ብርሃን ምንጭ የሆነው የዘላለሙን መንግስት ያመጣል።

እስከዚያ ድረስ ግን ክርስቶስ በህይወቱ፣ በሞቱና በትንሣኤው አማካኝነት የዘላለም ህይወትን ተስፋ አረጋግጦልናል። ጥያቄው ግን የእኛ ለመቀበል የሚኖርን ፈቃደኝነት ብቻ ነው።

ፈጣሪው ኢየሱስ(ዮሐ 1:1-3) ኃጢአትዎትን ለማስተሰረይ በመስቀል ላይ መሞቱን ያሰላስሉ። ይህ አስገራሚ ክስተት(እውነት) እግዚአብሔር ለእኛ ያለውን ፍቅር እውነተኛነት ምን ያህል ያስረዳል? ፈጣሪው ኢየሱስ (ዮሐ 1:1-3) ኃጢአትን ለማስተሰረይ በመስቀል ላይ መሞቱን ያሰላስሉ። ይህ አስገራሚ ክስተት እግዚአብሔር ለእኛ ያለውን ፍቅር እውነተኝነት ምን ያህል ያስረዳል?

@SabbathSchool @TekalignSorato

ጥቅምት 7 - 13
4ኛ ትምህርት
Oct 17 - 23




የአዲስ ኪዳን ነቢያት


ሰንበት ከሰዓት በኋላ
ለዚህ ሳምንት ጥናት እነዚህን ጥቅሶች ያንብቡ፦ማቴ 16:13-16፣ ኤፌ 2:20፣ ራዕይ 22:6፣ ሉቃስ 2:36-38፣ የሐዋ 21:9፣ ኤፌ 6:10-18።

የመታሰቢያ ጥቅስ፡“የጸጋም ስጦታ ልዩ ልዩ ነው መንፈስ ግን አንድ ነው፣ አገልግሎትም ልዩ ልዩ ነው ጌታም አንድ ነው፣ አሰራርም ልዩ ነው፣ ሁሉን በሁሉ የሚያደርግ እግዚአብሔር ግን አንድ ነው (1ኛ ቆሮንቶስ 12:4-6)።

አንድ አባት መኪናውን ሲነዳ (ሲያሽከረክር) አጠገቡ ተቀምጦ የነበረው ልጁ የአባቱን መኪና የሚመስሉትን መኪናዎች ለመለየት በአጠገባቸው የሚያልፉትን መኪናዎች ይመለከት ነበር። ከዚያ አባቱ ወደ አንድ መኪና እያመለከተ በመደነቅ” ተመልከት ልጄ፣ ያ መኪና የመጀመሪያ መኪናዬን ይመስላል” አለ። ከቤት ሲደርሱ አባትየው የመጀመሪያ መኪናውና የአሁኑ መኪና ባለቤት መመሪያ (manual) አውጥቶ የሁለቱን መኪናዎች ልዩነትና ተመሳሳይነት ለልጁ አሳየው። ነገር ግን የመኪናዎቹን ኢንጂን (ሞተር) ሲያስተያይ ተመሳሳይ ነበሩ። ብዙ ለውጦች ቢኖሩም ሞተሩ ግን ያው ነበር።

እግዚአብሔር በብሉይና በአዲስ ኪዳን በኩል ተናገረ። የመልእክቶቻቸው መደጋገፍና መጣጣም ምክንያቱ መንፈስ ቅዱስ--የመለኮታዊው መገለጥ ምንጩ ወይም “ሞተሩ” ያው ስለሆነ ነው። መንፈስ ቅዱስ በትንቢት ስጦታ አማካይነት ሁልጊዜ እውነተኛ ነቢያትን ያስታጥቃል (ኃይል ሰጣቸው)። የዕብራውያን መጽሃፍ በግልጽ እንደሚያስረዳው እርሱ ክርስቶስን ብመልእክቱ ማዕከል (እንብርት) ያስቀምጠዋል (ዕብራውያን 1:13)።

በዚህ ሳምንት የትንቢትን ስጦታ በአዲስ ኪዳን ውስጥ እንመለከታለን። ነቢያት ያደረጉትን፣ እንደ ነቢያት ሆነው እነማን እንደሰሩና፣ ነቢያትን ከሐዋርያት ጋር እናነፃጽራለን። የሃሰተኛ ነቢያትን አደገኛነትንም እንመለከታለን።

@SabbathSchool @TekalignSorato

እውነተኛ ነብያትን እንዴት ማወቅ እንችላለን ?

ኑ የእግዚአብሔርን ቃል አብረን እናጥና

@SabbathSchool @TekalignSorato

ዛሬ ልዩ የመፅሐፍ ቅዱስ ጥናት ይቀጥላል ከ10 ደቂቃ በኃላ እንጀምራለን ። ወንድማችን ዘማሪ ማም ጴጥሮስ ከእኛ ጋር በማስተማር ይቆያል

@SabbathSchool @TekalignSorato

ዓርብ
ጥቅምት 6
Oct 16

እንከን የለሽ ባትሆንም ፈቃደኛ ነበረች

የእግዚአብሔር መልእክተኛ መሆን ቀላል አለመሆኑን በብሉይ ኪዳን ነቢያት ህይወት አይተናል። የመጽሐፍ ቅዱስ ነቢያት የገጠማቸው ችግር ኤለን. ጂ ዋይትንም ገጥሟታል። ባለፈው ዓርብ እንዳየነው እግዚአብሔር ጥሪ በመጣላት ጊዜ ወጣት (ልጅ)፣ አይነ-አፋርና ባለ ሙሉ ጤና ያልሆነች ነበረች። ጥሪዋ በሁለተኛ ራዕይ ሲረጋገጥላትም እንዳመነታች እንዲህ ብላ ጽፋለች፦

“ከአንድ ሳምንት በኋላ ጌታ ሌላ ራዕይ በመስጠት የማልፍባቸውን ፈተናዎችም አሳየኝ። የገለጠልኝን ለሌሎች እንድናገር አዘዘኝ። ተቃውሞ እንደሚገጥመኝም ነገረኝ። የመንፈስ መታወክም እንደሚደርስብኝ አስጠነቀቀኝ።......ራዕዩ በጣም ረበሸኝ። ጤነኛ አልነበርሁም። በእድሜዬ የአስራ ሰባት ዓመት ልጅ ነበርኩ። ሸክሙ ለሌላ ሰው እንዲሰጥ ከልቤ ጸለይኩ። ነገር ግን የተቀበልኩት ብርሃን የነገርኩሽን ለሌሎች አካፍይ የሚል ነበር። ወደ ዓለም ለመውጣት አልደፈርሁም። በራሴ ላይ ምንም አይነት መተማመን አልነበረኝም። ሞትን ተመኘሁ። ከተሸከምኩት መልዕክት ይልቅ መሞት ቀልሎ ታየኝ” (መንፈሳዊ ስጦታዎች መጽሃፍ 2 ገጽ 35፣36)።

ኤለን ሐርመን ዋይት ጥሪዋን ከመቀበል ይልቅ ብትሞት እንደፈለገች ልብ ብላችኋል? ከብዙ ጸሎትና ከሌሎች አማኞች ማደፋፈር በኋላ እድሜዋን በሙሉ ለጌታ ስራ ለማዋል ወሰነች (መንፈሳዊ ስጦታዎች መጽሃፍ 2 ገጽ 38)።

ለሰባተኛ ቀን አድቬንቲስት ቤተ ክርስቲያንና ስለ ሰባተኛ ቀን አድቬንቲስት ቤተ ክርስቲያን ከማንም የበለጠ ተሰሚ ድምጽ ሆነች። ቢሆንም ኤለን ሐርመን ዋይት እንደ ማንኛውም ሰው የራሷ የሆነ የግል ጉድለት፣ የጤና ችግር፣ የቤተሰብ ግድድሮሽና ከሌሎች ጋር ያለመግባባት ችግር ነበረባት። ነገር ግን ከሰብአዊ እንከኖቹ መካከል ትልቅ ትምህርት እናገኛለን። እግዚአብሔር ለማገልገል ፈቃደኛ ከሆኑ እንከን ያላቸውንም ሰዎች ይመርጣል።

በመንፈስ ቅዱስ መሪነት የኤለን ጂ ዋይት ትንቢታዊ አገልግሎት አማኞን አበረታታ፣ ከመጽሐፍ ቅዱሳው እውነት ጋር አስተዋወቃቸው። በ1860 ዓ ም ለጋዋን 7ኛ ቀን አድቬንቲስት ቤተ ክርስቲያን በማደራጀትና ቤተ ክርስቲያኗ የሦስቱን መላእክት መልዕክት በዓለም ዙሪያ እንድታደርስ ወሳኝ ሚና ተጫውታለች። በ1863 ዓ ም እነዚህን አማኞች የሰባተኛ ቀን አድቬንቲስት ቤተ ክርስቲያንን እንዲቆረቁሩ እግዚአብሔር ረዳቸው። በሚከተሉት አስርት ዓመታት 7ኛ ቀን አድቬንቲስት ቤተ ክርስቲያን ዓለም አቀፍ የሆነውን የጤናና የትምህርት አሰጣጥ መዋቅሮችን እንድትመሰርት የኤለን ጂ ዋይት ትንቢታዊ ድምጽ ታላቅ ተጽዕኖ አሳድሯል።

ነገር ግን የአገልግሎቷ ከሁሉም የሚበለጠው አስተዋጽኦ ጽሑፎቿ ነው። ጠቅላላ ጽሑፏ በግምት አንድ መቶ ሺህ ገጽ ይሆናል። የኤለን ዋይት በመንፈስ ቅዱስ ምሪት የተጻፉ ጽሑፎቿ ዛሬም በዓለም ዙሪያ መናገራቸውን ይቀጥላሉ።

@SabbathSchool @TekalignSorato

ሐሙስ
ጥቅምት 5
Oct 15

ሐሰተኛ ነቢያት

እግዚአብሔር ያደረገውን ቢያደርግ ሰይጣን ምንጊዜም ተጻራሪ የሆነ ማስመሰያ ነገር አለው። በነቢያትም እንደዚሁ ነው። እስራኤል እውነተኛና ሃሰተኛ ነቢያት አጋጥሟታል። ቁልፉ (ወሳኙ) ነገር ልዩነታቸውን ከማወቅ ላይ ነው። ኤርምያስ 14:1-15ን ያንብቡ። እዚህ ላይ የምናየው ምንድነው? በስሙ “ነቢያት” ነን እያሉ የሚናገሩትን እግዚአብሔር እንዴት ያያቸዋል?

Save Notes
በኤርምያስ 14 ላይ እግዚአብሔር በኤርምያስ በኩል የፍርድ መልእክት ላከባቸው። ፍርዱም የሚከሰተው በሰይፍ (ጦር)፣ በረሃብ እና በቸነፈር ነበር። በጊዜው የነበሩ ሀሰተኛ ነቢያት የኤርምያስን መልዕክት አስተባባሉ። ኤርምያስ በግልጽ ስም ይሰይማቸዋል። “እግዚአብሔርም እንዲህ አለኝ፦ ነቢያቱ ውሸት በስሜ ትንቢት ይናገራሉ፤ አላክኋቸውም፥ አላዘዝኋቸውም፥ አልተናገርኋቸውም፤ የውሸቱን ራእይ ምዋርትንም ከንቱንም ነገር የልባቸውንም ሽንገላ ይሰብኩላችኋል” (ኤርምያስ 14:14)። የመልእክታቸው ምንጮች የሚያመልኳቸው ሀሰተኛ “አማልክት” ስለሆኑ ሀሰተኛ ነቢያት ብልሹ ናቸው (ኤርምያስ 23:13፣14)። እግዚአብሔር እንዲህ ሲል ያስጠነቅቃል፦ “አልላኳቸውም፣ አላዘዝኳቸውም፣ አልተናገርኳቸውም” (ኤርምያስ 14:14)። “ትንቢትን በሐሰት በሚናገሩ፥ የልባቸውንም ሽንገላ በሚናገሩ በነቢያት ልብ ይህ የሚሆነው እስከ መቼ ነው?” (ኤርምያስ 23:26)። ሕዝቅኤል “ከገዛ ልባቸውም ትንቢት የሚናገሩትን መስክርባቸው” ተብሎ ነበር (ሕዝቅኤል 13:2)።

ሀሰተኛ ነቢያት አብዛኛውን ጊዜ የብዙሃንን አስተያየት ይከተላሉ። በ1ኛ ነገስት 22 የሆነው እንዲሁ ነው። አራት መቶ ነቢያት በአክዓብ ትዕዛዝ ተሰበሰቡ። ሬማት ዘገለዓድን እንዲዋጋ በአንድ ድምጽ መከሩት (1ኛ ነገስት 22:6)። አክዓብ የይሁዳ ንጉስ ኢዮሳፋጥን አማከረ። እዮሳፋጥ ወደ ጦርነት ከመዝመቱ በፊት ነብዩን ሚክያስን እንዲጠይቅ መከረው። ሚክያስን ሊጠራ የሄደ መልእክተኛ- “እነሆ ነቢያት ሁሉ በአንድ አፍ ሆነው ለንጉሡ መልካምን ይናገራሉ፣ እንደ ቃላቸው እንዲሆን መልካም እንድትናገር እለምንሃለሁ አለው” (1ኛ ነገስት 22:13)። በሚክያስ ላይ የነበረበት ተጽዕኖ በሀሰተኞቹ ነቢያት ላይ ከነበረው ተጽዕኖ አያንስም ነበር። ሚክያስ ግን የብዙኀንን አስተያየት አልተከተለም። በዚያ ፈንታ እግዚአብሔር የሚናገረውን እስኪያዘው ጠበቀ (1ኛ ነገስት 22:14)። ነቢይ ቢሆንም ባይሆንም የብዙኀንን ሀሳብ መከተል ምንጊዜም ቀላል ነው። ባህል ምን ያህል ብልሹ መሆን እንድሚችል ከግምት ውስጥ በማስገባት ብዙሃንን መከተል የማይበጀው ለምንድነው?

@SabbathSchool @TekalignSorato

ረቡዕ
ጥቅምት 4
Oct 14

ሴቶች ነቢያት

የሚከተሉትን ጥቅሶች ያንብቡ። ዘፀአት 15:20፣ መሳፍንት 4:4፣ 2ኛ ነገስት 22:14፣ነህምያ 6:14። እነዚህ ጥቅሶች ደግሞ ነቢያት ስለሚጫወቱት ሚና ምን ያስተምሩናል?

Save Notes
እግዚአብሔር ሴቶችን ለነቢይነት እንደጠራ የሚያረጋግጥ በመጽሐፍ ቅዱስ በቂ መረጃ አለ። (ኒቪአህ የሚለውን የዕብራይስጥ ቃል አጠቃቀምን (ዘፀ 15:20) እና ፕሮፈቲስ የሚለውን የግሪክ ቃልም ይመልከቱ (ሉቃ 2:36))። በሚክያስ 6:4 ላይ ወድ ሕዝቡ የተላኩ ተብለው ከተወሱት መካከል ከሙሴና ከአሮን ጋር ሚርያም አብራ ተወስታለች። ሚርያም እስራኤላውያን ቀይ ባህርን ከተሻገሩ በኋላ የድል መዝሙር የዘመረች ነቢይ ተብላ እውቅናን አግኝታለች (ዘፀ 15:20፣21ን ያንብቡ)። ነገር ግን በሙሴና በኢትዮጵያዊት ሚስቱ ላይ የነበራት የሚያሳፍር አስተያየት እንደሚያስረዳው ይህች ነቢይት እንደ ወንዶች ነቢያት ባልደረቦችዋ ሁሉ ያለ እንክን አልነበረችም። ነቢይቱ ለዚህ ስህተቷ ተገቢውን ቅጣት ተቀብላለች (ዘሁ 12:1-10)።

የእስራኤላውያን ፈራጅ በነበረችው የዲቦራ ታሪክ ውስጥ የሌላ ነቢይ ስራ መመልከት እንችላልን (መሳ 4:1-4)።

እንዲያውም ዲቦራ ከእግዚአብሔር ራእይ እንደተቀበለች በቂ መረጃ አለ (መሳ 4:4-9፣14:22)። የእግዚአብሔርን ጣልቃ መግባት እውቅና ለመስጠት የዘመረችው የድል መዝሙር በዚያን ጊዜ ለነበረው ለህዝቡ ታሪክ ታላቅ ስነ-መለኮታዊ ትርጉም አለው (መሳ 5:2-31)። 2ኛ ነገስት 22:11-14ን ያንብቡ። ንጉስ ኢዮስያስ ወደ ሕልዳና ለምን ላከ? ይህ በሕዝቡ ላይ የተጫወተችውን ሚና እንዴት ያስረዳናል?

Save Notes
የንጉሱ ኢዮሲያስ ከፍተኛ ባለስልጣናት “ነቢይቱን” ሕልዳናን አማከሩ። ይህን ያደረጉት “የሕጉን መጽሐፍ” ከነበቡ በኋላ ነው (2ኛ ነገ 22:14፣ 2ኛ ዜና 34:22፣ 2ኛ ነገስት 22:28)። “የሕጉ መጽሐፍ” የተባለው ዘዳግም እንደነበረ ይታመናል። “የሕጉ መጽሐፍ” ሲነበብለት ንጉሡ ልብሱን ቀደደ (2ኛ ነገ 22:11)። ይህ ጉዳይ አንገብጋቢ ጉዳይ ነበረ። ንጉሡም የተመለከተው በዚያ መልኩ ነበር። ሰዎችም በቀጥታ ወደ ሕልዳና የሄዱት ለዚህ ነበር። በይሁዳ ላይ ስለሚያንዣብበው ፍርድ መልዕክት ተቀብላ ነበር። ኢዮስያስ ያደረገው ተሀድሶ በሕልዳና መልእክት ላይ የተመሰረተ ነበር። በሕዝቡ ላይ ያንዣበበው ቅጣትም ሳይደርስ ቀረ። ወንዶችም ሆኑ ሴቶች ነቢያት በእግዚአብሔር ቢጠሩም ቅሉ ጸጋ የሚያስፈልጋቸው ኃጢአተኞች ነበሩ። ታዲያ ከእነዚህ ታሪኮች ምን አይነት ተስፋ እናገኛለን?

@SabbathSchool @TekalignSorato

ኑ ገባ ገባ በሉ ሰለ ነቢያት ጥሩ ጥናት እያጠናን ነው ።

@SabbathSchool @TekalignSorato

ኑ አብረን የእግዚአብሔር ቃል እናጥና

ሰላም ለእናንተ ይሁን

ዛሬ ማታ ልዩ የሶስተኛው ሳምንት Live የመፅሐፍ ቅዱስ ጥናት ይኖረናል ።

በዚህ ልዩ የመፅሐፍ ቅዱስ ጥናት ለመሳተፍ ሁላችንም በኢትዮጵያ ሰዓት አቆጣጠር 2:30 እንገናኝ ። ተባረኩ

@SabbathSchool @TekalignSorato

ማክሰኞ
ጥቅምት 3
Oct 13

የነቢያት ሥራ

1ኛ ሳሙኤልን 8:4-22ና ዘሌዋውያን 8:10-13ን ያንብቡ። ከነገስታትና ከካህናት ጋር በነበራቸው ግንኙነት የነቢያት ስራ ምን ነበረ?

Save Notes
ነቢያት ከነገስታት ጋር የነበራቸው ግንኙነት አንዳንድ ጊዜ የሚያስደስት በሌላ ጊዜ ደግሞ የማያስደስት ነበር። እስራኤላውያን ንጉስ ይሰጠን ብለው ሲጠይቁ (1ኛ ሳሙኤል 8:4-22)” እንደ አህዛብ የሚፈርድልን ንጉስ አድርግልን” አሉ (1ኛ ሳሙኤል 8:5)። ይህ የእግዚአብሔር ሕዝብ በዘመናት ሁሉ የገጠማቸውን ችግር የሚያሳይ ሃይለኛ ምሳሌ ነው፣ በአካባቢያቸው እንዳሉት ህዝቦች ለመሆን መፈለግ። እግዚአብሔር በነብዩ በኩል ቢያስጠነቅቃቸውም (1ኛ ሳሙኤል 8:11-18) የጠየቁት ጥያቄ የሚያደርስባቸውን ጉዳት አልተገነዘቡም። ማስጠንቀቂያ ቢሰጣቸውም በጠየቁት መሰረት በመጽሐፍ ቅዱስ ታሪክ የእስራኤል የመጀመሪያው ንጉስ ተብሎ የሚታወቀውን ሳኦልን ሳሙኤል አነገሰላቸው።

1ኛ እና 2ኛ ነገስት፣ 1ኛ እና 2ኛ ዜና የተባሉት የብሉይ ኪዳን መጻሕፍት የእስራኤልንና የይሁዳን ነገስታት የአገዛዝ አይነቶች መዝግበዋል (ዘግበዋል)። ቃሉ እንደሚያስረዳው በእግዚአብሔር ፊት መልካም ከሠሩት ይልቅ ክፉ የሠሩት ነገስታት በቁጥር ይበልጣሉ። ከነቢያት ተግባራት አንዱ ታማኝ ያልሆኑትን ነገስታት የእግዚአብሔርን ህግ ወደ መታዘዝ መመለስ ነበር። ውጤቱ ታዲያ የእግዚአብሔርን ህዝብ ያሳሳቱት ነገስታት እነዚህን ነቢያት አስፈራሯቸው፣ እንዲያውም አንዳንዴ ጉዳት ወይም ሞት አደረሱባቸው (1ኛ ነገስት 18:4-19፣ 2ኛ ዜና 24:20-22)።

ነቢያት ደግሞ ከካህናት ጋር ግንኙነት ነበራቸው። ሙሴ አሮንን እና ልጆቹን የመጀመሪያዎቹ የእስራኤል ካህናት አድርጎ ሾማቸው (ዘሌ 8:10-13)። ካህናት በነቢያት አማካይነት ከእግዚአብሔር ተግሳጽ የተቀበሉባቸው ጊዜያት ነበሩ።

አንድ የማይረሳ ምሳሌ የኤሊ ቤተሰብ በሙሉ ስለ ብልሹ ተግባራቸው የገጠማቸው ተግሳጽ ነበር (1ኛ ሳሙኤል 2:27-36)። እነዚህ የተለየ መብት የተሰጣቸው ሰዎች ሀላፊነታቸውን ስላበላሹ ብርቱ ተግሳፅ ደረሰባቸው።

ነቢያት የሕዝቡ መምህራን ነበሩ (2ኛ ዜና 34)። ለካሕናቱ፣ ለነገስታቱና ለህዝቡ የእግዚአብሔርን መልዕክት አቀባዮች ነበሩ (ሕዝቅኤል 22:26፣ ኤርምያስ 5:31)። በብሉይ ኪዳን ተደጋግሞ እንደታየው የእግዚአብሔርን እቅድ በአካባቢው ላሉት ህዝቦች ያስታውቁ ነበር (ኢሳያስ 60:1-3፣ ኢሳያስ 62:1፣2)። እግዚአብሔር የሰጣቸውን መልዕክት ማስተላለፍ ብቻ ሳይሆን ነቢያት አንዳንድ ጊዜ መልዕክቱን በጽሑፍ እንዲያስቀምጡ እና እንዲያቆዩ ይታዘዙ ነበር (2ኛ ዜና 13:22)። ነቢያት የፈለገውን ያህል ሰው ቢሆኑም፣ በሰው ሁሉ ላይ የሚገኘው ድክመት ቢኖርባቸውም፣ የጸሎት እና የቃሉ ወንዶችና ሴቶች፣ እንዲሁም የእግዚአብሔርና የህዝቡ አገልጋዮች ነበሩ (ኤርምያስ 42:4፣ 2ኛ ነገስት 22:15-17)።

@SabbathSchool @TekalignSorato

ኑ አብረን የእግዚአብሔር ቃል እናጥና

https://t.me/TekalignSorato

Live stream started

ዓርብ
ነሐሴ 29
Sep 4


ተጨማሪ ሀሳብ

ኤለን ጂ ኋይት፣ “የተሰማው መልእክት”፣ ገጽ 323–334፣ የሐዋርያት ሥራ።

ባለፈው ሳምንት በየሐዋርያት ሥራ መጽሐፍ ውስጥ የተጠቀሰውን ከላይ ያለውን ክፍል አንብበናል። አሁንም በድጋሚ ማንበቡ ጠቃሚ ነው። በዚህ ጊዜ፣ ጳውሎስ ስለ ላከው አስጨናቂ ደብዳቤ፣ ደብዳቤውን በሚጽፍበት ጊዜ ስለነበረው ስሜት፣ እና የተላከላቸው ሰዎች በቅንነት ንስሐ መግባታቸውን የሚገልጽ የምስራች ሲቀበል ስለነበረው ደስታ በሚናገሩት ክፍሎች ላይ ጥቂት ረዘም ላለ ጊዜ አሰላስሉ። በመቀጠልም፣ ይህ ስለ ጳውሎስ አገልግሎት እውነተኛነት ምን እንደሚነግራችሁና ለክርስቶስ በምታከናውኑት ሥራ ውስጥ ምን ዓይነት ትምህርቶችን ልትተገብሩ እንደምትችሉ አስቡ።

“ከእግዚአብሔር ዘንድ ይቅርታ እንዳለ፣ በእግዚአብሔርም ፍቅር አማካኝነት ከእግዚአብሔር ጋር ልንታረቅ እንደምንችል ለጽንፈ ዓለሙ፣ ለወደቀው ዓለምና ላልወደቁት ዓለማት መግለጥ አለብን። ሰው ንስሐ ይገባል፣ ልቡ ይሰበራል፣ በክርስቶስ ቤዛዊ መሥዋዕትነት ያምናል፣ እግዚአብሔርም ከእርሱ ጋር እንደታረቀ ይገነዘባል።” — ኤለን ጂ ኋይት፣ ልዩ የምስክርነት ቃላት በትምህርት ላይ (Special Testimonies On Education)፣ ገጽ 223።

“እንደ ቤተ ክርስቲያን ታላቅ ብርሃን ተቀብለናል። ይህንን ብርሃን ጌታ ለዓለም ጥቅም እንዲሆንና በረከት እንዲያመጣ አደራ ሰጥቶናል። ለእኛ የማስታረቅ አገልግሎት ተሰጥቶናል። ከላይ በሚመጣ ኃይል ሰዎች ከእግዚአብሔር ጋር እንዲታረቁ ልንማጸን ይገባል።” — ኤለን ጂ ኋይት፣ ደብዳቤ 32፣ 1903።

ሰዎች ከእግዚአብሔር ጋር አንዴ ከታረቁ በኋላ ቅድስናን መፈለግ አለባቸው። ኤለን ጂ ኋይት በ2ኛ ቆሮንቶስ 7፡1 ላይ በሰጠችው አስተያየት፣ ጳውሎስ “በእግዚአብሔር ፍርሃት ቅድስናን ፍጹም ማድረግ” (2ኛ ቆሮ. 7፡1) ሲል ምን ማለቱ እንደሆነ ይጠቁማሉ። ጳውሎስ አዲስ የተመለሱትን አማኞች እንዲህ እንዲሆኑ ለመርዳት እንደጣረ ይናገራሉ፦ “በራሳቸው የሚተማመኑ፣ እያደጉ ያሉ ክርስቲያኖች፣ በእምነት የጠነከሩ፣ በቅንዓት የሚቃጠሉ፣ እንዲሁም ለእግዚአብሔርና መንግሥቱን ለማስፋፋት በሚደረገው ሥራ ውስጥ በፍጹም ልባቸው ራሳቸውን የሰጡ እንዲሆኑ [ለመርዳት ጥሯል]።” — ኤለን ጂ ኋይት፣ የሐዋርያት ሥራ፣ ገጽ 201።


የመወያያ ጥያቄዎች



1. ጳውሎስ የወንጌልን መዝገብ የያዝን “የሸክላ ዕቃዎች” እንደሆንን አድርጎ ይገልጸናል (2ኛ ቆሮ. 4፡7)። የሰው ልጅ ሁኔታ ደካማ፣ ተሰባሪና በውስንነት የተሞላ መሆኑ፣ የወንጌልን ስብከት ከማዳከም ይልቅ እንዴት ሊያጎላው (ሊያግዘው) ይችላል?

2. “አዲስ ፍጥረት” መሆን ማለት ምን ማለት ነው (2ኛ ቆሮ. 5፡17)? ይህስ በዕለት ተዕለት ሕይወታችሁ ላይ ምን ተጽዕኖ ያሳድራል? ክርስቶስ እናንተን አዲስ ፍጥረት ያደረጋችሁት እንዴት ነው?

3. በ2ኛ ቆሮንቶስ 6፡4፣ 5 ላይ ጳውሎስ ስለ ወንጌል ሲል የደረሱበትን ረጅም የመከራዎች ዝርዝር ያቀርባል። ለደረሰበት መከራ የሰጠው ምላሽ ምን ይመስል ነበር (2ኛ ቆሮ. 6፡6፣ 7ን ይመልከቱ)? ይህስ እናንተ ለሚገጥሟችሁ መከራዎች ምላሽ ለመስጠት እንዴት ይረዳችኋል?

4. ጳውሎስ እንደ እግዚአብሔር ፈቃድ የሆነውን ሐዘን ከዓለም ሐዘን ጋር ያነጻጽራል (2ኛ ቆሮ. 7፡10)። ሐዘን ከንስሐ ጋር የሚገናኘው በምን ዓይነት መንገድ ነው? እንደ እግዚአብሔር ፈቃድ የሆነውን ሐዘን ከዓለም ሐዘን በተለየ መልኩ እንዴት ትገልጹታላችሁ?

https://t.me/TekalignSorato

ሐሙስ
ነሐሴ 28
Sep 3

መጽናኛና ደስታ

2ኛ ቆሮንቶስ 7ን አንብቡ። የቆሮንቶስ ሰዎች ንስሐ መግባታቸውን ሲሰማ ጳውሎስ የተሰማው ስሜት ምንድን ነው?

Save Notes
“በልባችን ውስጥ ናችሁ” ከሚሉት ቃላት ውስጥ ምን ያህል ፍቅር ይፈስሳል! (2ኛ ቆሮ. 7:3፤ እንዲሁም 2ኛ ቆሮ. 6:11ን ይመልከቱ)። ጳውሎስ ለእነርሱ ያለው ፍቅር በምላሹ እንዲሰጠው ካለው ጥልቅ ምኞት የተነሣ “በልባችሁ ስፍራ አድርጉልን” ይላል (2ኛ ቆሮ. 7:2)። ምንም እንኳ “በልባችሁ” የሚለው ሐረግ በግሪኩ ቅጂ ውስጥ ባይኖርም፣ አውዱ የሚደግፈው በመሆኑ አብዛኞቹ ትርጉሞች አካተውታል።

በእርግጥም የቆሮንቶስ ሰዎች ልባቸውን ለጳውሎስና ለሥራ ባልደረቦቹ ከፈቱ። ለዚህ ነው ቁጥር 4 ኃይለኛ የሆነ የደስታ መግለጫ የሆነው። የጳውሎስ ቃላት በዚህ ቅጽበት ያለውን በጎ ስሜት ይገልጻሉ፦ “ለእናንተ ያለኝ መታመን ታላቅ ነው፤ በእናንተም መመካቴ ታላቅ ነው፤ መጽናናት ሞልቶብኛል፤ በመከራችን ሁሉ ደስታዬ ከልክ በላይ ሆኖአል” (2ኛ ቆሮ. 7:4)።

ጳውሎስ በመጽናኛና በደስታ ተሞልቷል። አብያተ ክርስቲያናቶቻችን ራሳቸውን በታማኝነት ለክርስቶስ አሳልፈው በመስጠት፣ ለአገልጋዮቻቸው ልብ ምን ያህል መጽናኛና ደስታ ሊያመጡ ይችላሉ!

በ2ኛ ቆሮንቶስ 7:5–16 ላይ ጳውሎስ ለመጽናኛውና ለደስታው ያለውን ምክንያት የበለጠ ያብራራል። እነዚህ ሁለት ጽንሰ-ሐሳቦች በክፍሉ ውስጥ በጉልህ ይታያሉ። “ማጽናናት” (parakaleō) የሚለው ግስ ወይም “መጽናናት” (paraklēsis) የሚለው ስም በ2ኛ ቆሮንቶስ 7 ውስጥ በአጠቃላይ ሰባት ጊዜ ተጠቅሰዋል። ይህ የደብዳቤው ክፍል የተጀመረውም የተመሰረተውም እግዚአብሔር በሚሰጠው ታላቅ መጽናኛ ላይ ነው (2ኛ ቆሮ. 1:3–7)። በምዕራፍ 7 ላይ ያለው የጳውሎስ መጽናኛ የመጣው ያ ያስጨነቀው ደብዳቤ የፈለገውን ውጤት በማምጣቱ ከተሰማው እረፍት ነው።

ምንም እንኳ ይህ እረፍት የቲቶ በጎ ሪፖርት ውጤት ቢሆንም፣ በመጨረሻ ግን ጳውሎስ ለተለማመደው መጽናኛ ዋናው ባለቤት እግዚአብሔር ነው (2ኛ ቆሮ. 7:6)። በእርግጥም እግዚአብሔር “በመከራችን ሁሉ የሚያጽናናን... የመጽናናትም ሁሉ አምላክ” ነው (2ኛ ቆሮ. 1:3፣ 4)።

የሚገርመው ጳውሎስ “በመጽናናት ሲሞላ”፣ በተመሳሳይ ጊዜ ደግሞ “ደስታው ከልክ በላይ” ነበር (2ኛ ቆሮ. 7:4፣ 7፣ 13)። ምንም እንኳ ያ ያስጨነቀው ደብዳቤ ብዙ ሐዘን ቢያመጣም፣ ያ ሐዘን ግን ንስሐን ለማምጣት የታለመ እንደ እግዚአብሔር ፈቃድ የሆነ ሐዘን ነበር (2ኛ ቆሮ. 7:9–11)። የቆሮንቶስ ሰዎች “እንደ እግዚአብሔር ፈቃድ አዝነዋል” (2ኛ ቆሮ. 7:11)፤ ይህም ሐዘን “ለደኅንነት የሚሆንና ጸጸት የሌለበትን ንስሐ” የሚያስገኝ ነው (2ኛ ቆሮ. 7:10)። ታዲያ ለእውነተኛ የእግዚአብሔር አገልጋይ ከዚህ የበለጠ ምን ደስታ ሊኖር ይችላል? በህይወታችሁ ውስጥ እንደ እግዚአብሔር ፈቃድ የሆነን ሐዘን ተለማምዳችሁ ታውቃላችሁ? ያ ሐዘን ወደ ንስሐ የሚመራ የእግዚአብሔር ፈቃድ መሆኑን እንዴት አወቃችሁ?

https://t.me/TekalignSorato

ረቡዕ
ነሐሴ 27
Sep 2

ወደ ቅድስና የሚደረግ ጥሪ

በ2ኛ ቆሮንቶስ 6፡3–10 ላይ ጳውሎስ የቆሮንቶስ ሰዎች ከእግዚአብሔር ጋር እንዲታረቁ ማበረታታቱን ይቀጥላል። የክርስቶስ ተከታይና የእግዚአብሔር አገልጋይ መሆን ምን ማለት እንደሆነ ለማሳየት ረጅም የመከራና የድል ዝርዝር ያቀርባል። በአጭሩ፦ አስቸጋሪ ሁኔታዎችን (2ኛ ቆሮ. 6፡4፣ 5)፣ የባሕርይ በጎነቶችን (2ኛ ቆሮ. 6፡6)፣ ለአገልግሎት የሚያስፈልጉ ትጥቆችን (2ኛ ቆሮ. 6፡7) እና የአገልግሎት ውጣ ውረዶችን (2ኛ ቆሮ. 6፡ 8–10) ዘርዝሯል። በቆሮንቶስ ያሉ አባላት ከእግዚአብሔር ጋር እንዲታረቁ ካስተማረ በኋላ፣ ራሳቸውን ከማያምኑት ጎጂ ተጽዕኖና ከርኩስ ነገሮች በመለየት ቅዱስ ሕይወት እንዲኖሩ ጥሪ ያቀርባል (2ኛ ቆሮ. 6፡14–17)። 2ኛ ቆሮንቶስ 6፡11–7፡1ን አንብቡ። በዚህ ክፍል መሠረት ቅዱስ ሕይወት ምን ይመስላል?

Save Notes
ጳውሎስ በዚህ ክፍል ውስጥ በቤተ ክርስቲያን ውስጥ ያለውን የመዋደድና የፍቅር አስፈላጊነት ያጎላል (2ኛ ቆሮ. 6፡11–13)። ሰዎች ከእግዚአብሔር ጋር መታረቃቸው የሚታወቀው እርስ በርሳቸው እርቅን ሲፈልጉ ነው። በእርግጥም እነርሱ በሰዎች መካከል የእርቅ ወኪሎች ይሆናሉ።

በመቀጠልም የቅድስና ጥሪ በስድስት ማሳሰቢያዎች አማካኝነት ቀርቧል፤ እነርሱም፦ (1) “ከማያምኑ ጋር በማይመች አካሄድ አትጠመዱ” (2ኛ ቆሮ. 6፡14)፤ (2) ““ከመካከላቸው ውጡ”” (2ኛ ቆሮ. 6፡17)፤ (3) ““ተለዩ”” (2ኛ ቆሮ. 6፡17)፤ (4) ““ርኩስንም አትንኩ”” (2ኛ ቆሮ. 6፡17)፤ (5) “ሥጋንና መንፈስን ከሚያረክስ ሁሉ ራሳችንን እናንጻ” (2ኛ ቆሮ. 7፡1)፤ (6) “በእግዚአብሔር ፍርሃት ቅድስናን ፍጹም እናድርግ” (2ኛ ቆሮ. 7፡1፤ አጽንኦት የተጨመረበት)። እነዚህ ምክሮች ቅዱስ የሆነው አምላክ ቅዱስ ሕይወትንና ከጣዖት አምልኮ መለየትን እንደሚፈልግ ያሳያሉ።

በሌላ በኩል ደግሞ፣ ይህ ክፍል የክርስቲያን ቤተ ክርስቲያንን እንደ ቅዱስ መቅደስነቷ የሚያሳዩ ሰባት ተስፋዎችን ይዟል፦ (1) ““በእነርሱ እኖራለሁ””፤ (2) ““በመካከላቸውም እመላለሳለሁ””፤ (3) ““አምላካቸውም እሆናለሁ””፤ (4) ““እነርሱም ሕዝቤ ይሆናሉ””፤ (5) ““እቀበላችኋለሁ””፤ (6) ““ለእናንተም አባት እሆናለሁ””፤ (7) ““እናንተም ለእኔ ወንዶችና ሴቶች ልጆች ትሆናላችሁ”” (2ኛ ቆሮ. 6፡16፣ 17፣ 18)።

በ2ኛ ቆሮንቶስ 6፡16 ላይ ያሉት አራት ተስፋዎች በ2ኛ ቆሮንቶስ 6፡17 ላይ ላሉት ሦስት ትእዛዛት መሠረት መሆናቸውን ልብ ይበሉ (በ2ኛ ቆሮንቶስ 6፡17 መጀመሪያ ላይ “ስለዚህ” የሚለውን ቃል ይመልከቱ)። ይህም ቅድስና የአንድ ሰው ጥረት ውጤት ሳይሆን የመንፈስ ቅዱስ በልብ ውስጥ የመሥራቱ ውጤት መሆኑን ያሳያል። ቅድስና ከእግዚአብሔር የሚመነጭ ቢሆንም፣ አማኞች የራሳቸውን ድርሻ መወጣት እንዲሁም ጣዖት አምልኮንና ማንኛውንም ርኩስ ተግባር መቃወም አለባቸው። በ2ኛ ቆሮንቶስ 6፡16–18 ላይ ያሉ የእግዚአብሔር ተስፋዎች ቅድስና ምን እንደሆነ ምን ይነግሩናል?

https://t.me/TekalignSorato

ማክሰኞ
ነሐሴ 26
Sep 1

በክርስቶስ ላይ ያተኮረ የማስታረቅ አገልግሎት

2ኛ ቆሮንቶስ 5:11–15ን አንብቡ። ይህ ክፍል የጳውሎስ አገልግሎት በክርስቶስ ላይ ያተኮረ መሆኑን የሚያሳየው እንዴት ነው?

Save Notes
ጳውሎስ ስለ አገልግሎቱ ለክርስቶስ መልስ መስጠት (ሂሳብ ማቅረብ) እንዳለበት ያውቅ ነበር (2ኛ ቆሮ. 5:10)። እርሱ “የጌታን መፈራት” ያውቅ ነበር፤ ሰዎችንም ስለ ክርስቶስ ወንጌል ለማሳመን ይጋደል ነበር (2ኛ ቆሮ. 5:11)። ይህ ፍርሃት ለክርስቶስ የሚሰጥ አክብሮትና ጥልቅ ስሜት (reverence and awe) ነው፤ በመሆኑም ጳውሎስ ለክርስቶስ ካለው ፍቅርና ክርስቶስ ለእርሱ ባለው ፍቅር ላይ ካለው መታመን ጋር የተቆራኘ ነው። በብሉይ ኪዳን እግዚአብሔርን መፍራት ማለት በመንገዱ መሄድ፣ እርሱን መውደድ፣ እንዲሁም በፍጹም ልብና ነፍስ ማገልገል ማለት ነው (ዘዳ. 10:12)።

የጳውሎስ አገልግሎት በራሱ ላይ ሳይሆን በክርስቶስ ላይ ያተኮረ ነው። ራሱን አላገነነም (አላመሰገነም)። የትምክህቱ ምክንያት ክርስቶስ ነው (2ኛ ቆሮ. 12:9)። “ነገር ግን ዓለም ለእኔ የተሰቀለበት እኔም ለዓለም የተሰቀልሁበት ከጌታችን ከየሱስ ክርስቶስ መስቀል በቀር ሌላ ትምክህት ከእኔ ይራቅ” ብሏል (ገላ. 6:14)። ስለዚህ የቆሮንቶስ ሰዎች በእርሱ እንዲመኩ የተሰጣቸው ዕድል (2ኛ ቆሮ. 5:12)፤ በራሳቸው ላይ ከሚያተኩሩት ተቃዋሚዎቹ አገልግሎት ይልቅ፣ በእርሱ በክርስቶስ ላይ ባተኮረው አገልግሎት እንዲኮሩ ማለት ነው። 2ኛ ቆሮንቶስ 5:16–21፣ ቆላስይስ 1:19–23 እና ኤፌሶን 2:13–16ን አንብቡ። ጳውሎስ “የማስታረቅ አገልግሎት” ሲል ምን ማለቱ ነው?

Save Notes
ክርስቶስ ወደር የማይገኝለት (par excellence) የማስታረቅ አገልጋይ ነው። እንደዚሁም እርሱ “የማስታረቅን አገልግሎት ሰጠን” (2ኛ ቆሮ. 5:18)። የማስታረቅ ሐሳብ በ2ኛ ቆሮንቶስ 5:16–21 ውስጥ ደጋግሞ ተጥቅሷል። ይህ ለጳውሎስ መሠረታዊ ጽንሰ-ሐሳብ ነው፤ ለእኛም እንዲሁ ሊሆን ይገባል።

እግዚአብሔር በልጁ የቤዛነት ሞት አማካኝነት የሰውን ልጅ ከራሱ ጋር አስታርቋል። ከእግዚአብሔር ጋር የታረቁት አዲስ ፍጥረት ናቸው (2ኛ ቆሮ. 5:17)። አሁን ደግሞ የክርስቶስን ወንጌል በመስበክ ይህንን “የማስታረቅ ቃል” ለሌሎች ማስተላለፍ ይጠበቅባቸዋል (2ኛ ቆሮ. 5:19)። በዚህ ስሜት “እግዚአብሔር በእኛ እንደሚማልድ ስለ ክርስቶስ መልክተኞች ነን” (2ኛ ቆሮ. 5:20)። ክርስቶስ ለእርስዎ ስላደረገው ነገር ያስቡ። እርሱ በመስቀል ላይ ስላደረገልዎት ነገር ባይሆን ኖሮ የእርስዎ ሊሆን የሚችለውን በደል፣ ኃጢአትና ኩነኔ ያስቡ። ይህ እውነታ ከሌሎች ጋር፣ በተለይም ጌታን ከማያውቁት ጋር ባላችሁ ግንኙነት ላይ ምን ተጽዕኖ ሊያሳድር ይገባል?

https://t.me/TekalignSorato

ሰኞ
ነሐሴ 25
Aug 31

መከራና ክብር

2ኛ ቆሮንቶስ 4፡7–18ን አንብቡ። የጳውሎስን መከራዎች ዝርዝር አውጡ። መከራዎቹን እንዴት ሊቋቋም ቻለ?

Save Notes
የቀድሞዋ ቦሔሚያ ታላቅ የተሐድሶ ሰው የነበረው ጆን ሁስ ስለ የሱስ በአንድ ወቅት እንዲህ ብሎ ነበር፦ “እርሱ የዓለም ጌታ ነው፤ እኛ ደግሞ የተናቅን ሟቾች ነን—ሆኖም እርሱ መከራን ተቀበለ! ታዲያ እኛስ መከራን መቀበል የማይገባን ለምንድን ነው? በተለይም መከራ ለእኛ ማጥሪያ (purification) በሚሆንበት ጊዜ?” — ኤለን ጂ ኋይት፣ ታላቁ ተጋድሎ፣ ገጽ 105።

ሐዋርያው ጳውሎስ ከብዙ ክፍለ ዘመናት በፊት ስለ ክርስቶስ መከራን ለመቀበል ተመሳሳይ ፈቃደኝነትን አሳይቷል። እርሱ ከሸክላ ከተሠራ ደካማ ዕቃ የሚበልጥ እንዳልሆነ ያውቅ ነበር (2ኛ ቆሮ. 4፡7)። ሁልጊዜም እንደሚገፋ፣ እንደሚያመነታ፣ እንደሚሰደድና እንደሚወድቅ ይሰማው ነበር፤ ሆኖም አልተጨነቀም፣ ተስፋ አልቆረጠም፣ አልተጣለም ወይም አልጠፋም (2ኛ ቆሮ. 4፡8፣ 9)። “የየሱስ ሕይወት” በእርሱ ይገለጥ ዘንድ “የየሱስን መሞት በሥጋው” ለመሸከም ፈቃደኛ ነበር (2ኛ ቆሮ. 4፡10፣ 11)።

ጳውሎስ “የየሱስ መሞት” ሲል ምናልባት በቀደሙት ጥቅሶች ላይ የጠቀሳቸውን መከራዎች ማለቱ ሊሆን ይችላል። በተመሳሳይ መልኩ፣ “የየሱስ ሕይወት” የሚለው ሐረግ በአፋጣኝ ትርጉሙ ከሞት መዳንን ወይም ለአሁኑ ሕይወት የሚሆን መንፈሳዊ ኃይልን ሊያመለክት ይችላል። ነገር ግን፣ በመጨረሻው ደረጃ ይህ የሚያመለክተው ትንሣኤን ነው (2ኛ ቆሮ. 4፡12)።

የሚገርመው “ሞትና ሕይወት” የሚሉት ጥንድ ቃላት በ2ኛ ቆሮንቶስ 4፡10–12 ውስጥ ሦስት ጊዜ ተጠቅሰዋል። ይህም በዚህኛው ዘመን ሕይወት ከሞት ጋር የተቀላቀለች መሆኗን ማስታወሻ ነው። ሆኖም፣ በሚመጣው ክብር ውስጥ ሞት በሌለበት ሁኔታ ሕይወትን እንለማመዳለን (ራእይ 20፡14፤ ራእይ 21፡4)።

ከሁሉም በላይ፣ 2ኛ ቆሮንቶስ 4፡7–18 የሚያሳየው ክብር ለእግዚአብሔር ብቻ ይሆን ዘንድ ወንጌል የሚሰበከው በደካማ የሰው ልጆች አማካኝነት መሆኑን ነው (2ኛ ቆሮ. 4፡ 15)። ሚስዮናውያን በሚያከናውኑት ሚስዮናዊ ሥራ ሂደት ውስጥ መከራ መቀበላቸው ያልተለመደ ነገር አይደለም። ሆኖም፣ እዚህ ያለው መከራችን ከሚጠብቀን የዘላለም የክብር ክብደት ጋር ሲነጻጸር ቀላልና ለጥቂት ጊዜ የሚቆይ ነው (2ኛ ቆሮ. 4፡17)። አማኝ የሚኖረው በእምነት እንጂ በማየት አይደለም (2ኛ ቆሮ. 4፡18፤ 2ኛ ቆሮ. 5፡7)።

ይህ በሚመጣው ሕይወት ላይ ያለው ተስፋ የጳውሎስን አእምሮ እጅግ ስለማረከው በዚሁ የሐሳብ መስመር ማብራራቱን ይቀጥላል (2ኛ ቆሮ. 5፡1–10)። ለሟች አካሉ “ምድራዊ ቤት” የሚለውን ዘይቤአዊ አገላለጽ ይጠቀማል። በተቃራኒው፣ “ከእግዚአብሔር የሆነው ሕንፃ” ለትንሣኤ አካል የተሰጠ ዘይቤአዊ አገላለጽ ነው (2ኛ ቆሮ. 5፡1)፤ ይህም በሁሉም ዘመናት ላሉ አማኞች ታላቅ ተስፋ ነው። አሁን በማንኛውም ሁኔታ ውስጥ ብንሆንም፣ የትንሣኤውን ተስፋ—የራሳችንን ትንሣኤ (1ኛ ቆሮ. 15፡52)—ሁልጊዜ በፊታችን ማድረጋችን ለምን በጣም አስፈላጊ ይሆናል?

https://t.me/TekalignSorato

እሑድ
ነሐሴ 24
Aug 30

የእውነተኛ አገልግሎት ፍሬዎች

2ኛ ቆሮንቶስ 3:1–9ን አንብቡ። በምን ዓይነት መንገድ የክርስቶስ ደብዳቤ ልንሆን እንችላለን?

Save Notes
በግሪኮ-ሮማውያን ዓለም የጥቆማ ወይም የባለ አደራነት ደብዳቤዎች (Letters of rec- ommendation) የተለመዱ ነበሩ። ሆኖም ጳውሎስ እንዲህ ያሉ ደብዳቤዎችን አልያዘም ነበር። በቆሮንቶስ ሰዎች ሕይወት ውስጥ የታየው የመንፈስ ቅዱስ ለውጥ የማምጣት ኃይል፣ የእርሱ እውነተኛ አገልግሎት ማረጋገጫ ነበር። ይሁን እንጂ ጳውሎስ በቆሮንቶስ ያለችው ቤተ ክርስቲያን የተመሠረተችው በእርሱ ብልህነት ወይም ጥረት እንዳልሆነ እርግጠኛ ነበር (2ኛ ቆሮ. 3:4–6)። እርሱ ራሱን በማስተዋወቅ ወይም በማግነን ሥራ ላይ አልተሰማራም ነበር (2ኛ ቆሮ. 3:5፤ 1ኛ ቆሮ. 2:2)።

ጳውሎስ ስለ አገልግሎቱ ሲናገር ስለ ሁለቱ ኪዳናት በአጭሩ ያብራራል፦ በሙሴ ስለተወከለው አሮጌው ኪዳን እና በእርሱና በሥራ ባልደረቦቹ ስለተወከለው አዲሱ ኪዳን። አንድ በችኮላ የሚያነብ ሰው አሮጌው ኪዳን የደኅንነት ተስፋ አልሰጠም ብሎ ሊያስብ ይችላል፤ ነገር ግን ይህ ስህተት ነው። ደኅንነት በአሮጌውም ሆነ በአዲሱ ኪዳን ይገኝ ነበር። አሮጌው ኪዳን አስቀድሞ የቀረበ ወንጌል ነበር። “መጽሐፍም እግዚአብሔር አሕዛብን በእምነት እንዲያጸድቅ አስቀድሞ አይቶ፦ “በአንተ አሕዛብ ሁሉ ይባረካሉ” ብሎ ወንጌልን ለአብርሃም አስቀድሞ ሰበከ” (ገላ. 3:8)።

በ2ኛ ቆሮንቶስ 3:1–4:6 ውስጥ፣ አሮጌው ኪዳን እግዚአብሔርን ደስ ለማሰኘት በራሳቸው የመታዘዝ ሥራ ላይ ይደገፉ የነበሩትን ሰዎች የሕግ አምላኪነት (legalistic) ተሞክሮ ለመግለጽ እንደ ተጠቀመበት እናያለን። አዲሱ ኪዳን ግን፣ እግዚአብሔር ለእነርሱና በውስጣቸው ሊያደርግ ቃል የገባውን ሁሉ እንዲፈጽም ሙሉ በሙሉ በእግዚአብሔር ጸጋ ላይ የሚደገፉትን ሰዎች ተሞክሮ ይወክላል።

ጳውሎስ እየተናገረ ያለው አማኞችና የማያምኑት ለወንጌል ስለሚሰጡት ሁለት የተለያየ ምላሽ ነው። እርሱ በአሮጌው ኪዳን ስለነበረ አንድ ወንጌልና በአዲሱ ኪዳን ስለሚገኝ ሌላ የተለየ ወንጌል እያወራ አይደለም—ምክንያቱም እግዚአብሔር የሰጠው አንድ ወንጌል ብቻ ነውና፤ እርሱም “እንደ ገዛ ዓላማውና ጸጋው መጠን አዳነን፤ በቅዱስም አጠራር ጠራን፤ ይህም ጸጋ ከዘላለም ዘመናት በፊት በክርስቶስ የሱስ ተሰጠን እንጂ እንደ ሥራችን አይደለም” (2ኛ ጢሞ. 1:9)።

ይህ ማለት ግን 2ኛ ቆሮንቶስ 2:14–4:6 አንዳንድ ታሪካዊ ነጥቦችን አልያዘም ማለት አይደለም። ነገር ግን ጳውሎስ ያንን ታሪክ የሚጠቀመው ከእነርሱ መካከል አንዳንዶቹ “የሚድኑ” ሌሎቹ ደግሞ “የሚጠፉ” መሆናቸውን ለማሳየት ነው (2ኛ ቆሮ. 2:15)። ሙሴ ለአከናወነው አገልግሎት በታየው አለማመንና የእምነት ማጣት ምላሽ ምክንያት፣ አገልግሎቱ የኩነኔና የሞት አገልግሎት ተደርጎ ሊታይ ይችላል። የቆሮንቶስ ቤተ ክርስቲያን ስላመነች ግን፣ በጳውሎስ አማካኝነት በመካከላቸው የተከናወነው አገልግሎት የጽድቅ አገልግሎት፣ ሕይወትን የሚሰጥ የመንፈስ አገልግሎት መሆኑ ተረጋገጠ።

በቆሮንቶስ ቤተ ክርስቲያን የታየው ይህ የደኅንነት ተሞክሮ፣ የጳውሎስ እውነተኛ አገልግሎት ማስረጃ ነው።

https://t.me/TekalignSorato

ነሐሴ 23 - 29
10ኛ ትምህርት
Aug 29 - Sep 4




እውነተኛ የክርስቲያን አገልግሎት


ሰንበት ከሰዓት በኋላ
ለዚህ ሳምንት እነዚህን ክፍሎች አንብቡ፦ 2ኛ ቆሮ. 3:1–9፤ 2ኛ ቆሮ. 4:7–18፤ 2ኛ ቆሮ. 5:11–15፤ ቆላ. 1:19–23፤ ኤፌ. 2:13–16፤ 2ኛ ቆሮ. 6:11–7:1፤ 2ኛ ቆሮንቶስ 7።

የመታሰቢያ ጥቅስ፡ “በሁሉ እንገፋለን እንጂ አንጨነቅም፤ እናመነታለን እንጂ ተስፋ አንቆርጥም፤ እንሰደዳለን እንጂ አንጣልም፤ እንወድቃለን እንጂ አንጠፋም፤ የየሱስ ሕይወት ደግሞ በሥጋችን ይገለጥ ዘንድ ሁልጊዜ የየሱስን መሞት በሥጋችን ተሸክመን እንዞራለን” (2ኛ ቆሮንቶስ 4:8–10)።

ባለፈው ሳምንት ጳውሎስ ቅንነቱንና እውነተኛነቱን በማረጋገጥ፣ በቆሮንቶስ ሰዎች ዘንድ ከቀረበበት የማይጸና ባሕርይና የፍቅር ማጣት ክስ ራሱን እንዴት እንደተከላከለ አይተናል። እርሱ ሁልጊዜ የሚሠራው ለመንፈሳዊ ልጆቹ የተሻለውን ጥቅም በማሰብ ነበር። በ2ኛ ቆሮንቶስ 2:12–17 ላይ የጀመረውንና እስከ 2ኛ ቆሮንቶስ ምዕራፍ 7 የሚቀጥለውን የሐሳብ መስመር ተከትሎ፣ እውነተኛ የክርስቶስ አገልግሎት ምን እንደሚመስል ያብራራል። ከዚህ የጳውሎስ ሐሳብ ብዙ ትምህርቶችን ልንቀስም እንችላለን።

በዚህ ሳምንት ጳውሎስ ነፍሳትን ለክርስቶስ ስለ ማዳን አገልግሎቱ በሚናገርበት በ2ኛ ቆሮንቶስ ምዕራፍ 3–7 ላይ እናተኩራለን። ኤለን ጂ ኋይት እንዲህ ትላለች፦ “የኃጢአተኞች መመለስና በእውነት መቀደስ፣ አንድ አገልጋይ እግዚአብሔር ወደ አገልግሎት እንደጠራው ሊኖረው የሚችል ታላቅ ማስረጃ ነው። የሐዋርያነቱ ማስረጃ በተመለሱት ሰዎች ልብ ውስጥ የተጻፈና በታደሰ ሕይወታቸው የሚመሰከር ነው። ክርስቶስ የክብር ተስፋ ሆኖ በውስጣቸው ተቀርጿል። አንድ አገልጋይ በእነዚህ የአገልግሎቱ ማኅተሞች እጅግ ይበረታል”። — ኤለን ጂ ኋይት፣ የሐዋርያት ሥራ፣ ገጽ 328።

https://t.me/TekalignSorato

Live stream finished (2 minutes)

Live stream started

Live stream finished (40 minutes)