arabic.uz (hikmatlar)

14102. Раҳмон эшикларининг калити — мужоҳада*дир. Бу эса Аллоҳ таолони зикр қилиш ва шайтонга қарши туриш билан бўлади. Бу калитдан бошқа калит йўқ. Шунингдек, шариатга ва мақтовга лойиқ суннатга маҳкам ёпишиш ҳамда барча ибодатларда ихлосли бўлиш — буларнинг барчаси мужоҳада жумласидандир.

Шайх Аҳмад Фатҳуллоҳ Жомий.

* Тасаввуф истилоҳида мужоҳада — нафсни жиловлаш, уни гуноҳ ва ёмонликлардан тийиш, тоат-ибодатда бардавом бўлиш ҳамда Аллоҳ таолонинг розилигига эришиш йўлида нафснинг истакларига қарши жиддий саъй-ҳаракат қилишдир.

@arabicuz

iOS | Android

Instagram | Facebook | Twitter | Tiktok | Youtube

Мўминлик

📜Бир неча соатлик хасталик, дард чекиш соғлик, офиятда ўтган кунларни унуттириб қўяди,
- бир неча соатлик қийинчилик фаровонликда ўтган кунларни унуттириб қўяди
- ва бир неча соатлик ташвиш хурсандчиликда ўтган кунларни унуттириб қўяди...

Лекин оқил мўмин — соғлик, омонлик ва хурсандчилик кунларини ёдда тутади ҳамда Аллоҳнинг қазо ва қадаридан норизо бўлмайди. Аксинча, у бошига бало-синов келганда сабр қилади, неъмат берилганда шукр қилади ва сабр ҳамда шукрнинг оқибати бу дунёда ҳам, охиратда ҳам мақтовли эканига аниқ ишонади.

Ҳофиз Умар.

P.S. Мўминлик шудир...

@arabicuz

iOS | Android
Instagram | Facebook | Twitter | Tiktok | Youtube

14101. Абу Заррдан ривоят қилинади: «Набий соллаллоҳу алайҳи васаллам: «Биродарингнинг юзига табассум билан қарашинг ҳам садақадир», дедилар.

Имом Термизий ривояти.

Рафиқанг табассум қилишингга ҳақлироқдир.

@arabicuz

iOS | Android
Instagram | Facebook | Twitter | Tiktok | Youtube

Фойда

📜Охиратда дўзахда абадий қолар бўлсанг, дунёда тарих сени номингни абадиятга муҳрлашидан не наф?!

▫️Изоҳ: Дунёда тарих сени абадий хотирада сақлаши, номингни ўчирмай асрлар оша ёд этиши сенга нима фойда беради, агар охиратда дўзахда абадий қолсанг?!
Инсон дунёда катта ишлар қилиши, одамлар орасида машҳур бўлиши, номи китобларда қолиши ва вафотидан кейин ҳам минг йиллар давомида эсга олиниши мумкин. Аммо дунёдаги шуҳратнинг ўзи инсоннинг охиратда нажот топишига кафолат бермайди...

@arabicuz

iOS | Android
Instagram | Facebook | Twitter | Tiktok | Youtube

Ёмон одамлар

📜Абдуллоҳ ибн Масъуд розияллоҳу анҳу ривоят қилади. Набий соллаллоҳу алайҳи васаллам: «Қиёмат фақатгина одамларнинг энг ёмонлари устига қоим бўлади», дедилар. Имом Муслим ривояти.

▫️Изоҳ: Абдурраҳмон ибн Шимоса Маҳрий айтади: «Маслама ибн Мухалладнинг ҳузурида эдим. Унинг олдида Абдуллоҳ ибн Амр ибн Ос ҳам бор эди. Абдуллоҳ: «Қиёмат энг ёмон одамларнинг устига қоим бўлади. Улар жоҳилият аҳлидан ҳам ёмондир. Аллоҳга нимаики сўраб дуо қилишса, Аллоҳ уларни рад қилади», деди. Улар шу ҳолда турган пайт Уқба ибн Омир келиб қолди. Маслама унга: «Эй Уқба, Абдуллоҳ нималар деганини эшитгин», деди. Уқба шундай деди: «У (мендан) илмлироқ. Мен эса Расулуллоҳ соллаллоҳу алайҳи васалламнинг шундай деганларини эшитганман: «Умматимдан бир жамоа душманларини енгган ҳолида Аллоҳнинг амрига биноан жанг қилаверади. Уларга қарши чиққанлар уларга зарар етказа олмайди. Ниҳоят, ўша ҳолларида уларга Қиёмат қоим бўлади». Абдуллоҳ шундай деди: «Шундай. Кейин Аллоҳ мушк ҳидидек хушбўй, ипакдек майин бир шабада юбориб, қалбида бир дон оғирлигича иймони бор бирорта жонни қўймай қабз қилади. Кейин одамларнинг энг ёмонлари қолади. Қиёмат ўшаларнинг устига қоим бўлади».

@arabicuz

iOS | Android
Instagram | Facebook | Twitter | Tiktok | Youtube

Тавба

📜Бир киши олимдан: "Устоз, интикасдан яъни, тўғри йўлдан тойилишдан кейин қалбимни қандай қилиб қайта жонлантирай?!", дея сўради.
Шайх: «Лаа илааҳа иллаллоҳ» айтишни кўпайтир, қалбингни истиғфор билан покла ва Аллоҳ билан янги аҳд-паймон бошла. Асло шошилма, худди Ислом янгидек (динга янги кирган инсондек) ҳаракат қил.
Фарзларингни ўз вақтида адо этишни қатъий муҳофаза қил, беками-кўст бажар, сўнгра уларнинг устига суннат намозларини қўш. Кейин эса таҳажжуд ва кундалик Қуръон вирдини йўлга қўй. Ана шунда Аллоҳ сари олиб борувчи ҳар бир йўл қаршингда қандай очилиб кетишини албатта кўрасан!", дея жавоб берди.

◽️Изоҳ: Инсон маълум вақт иймон ҳаловатини ҳис қилиб, намоз ўқиб, тақво йўлида юрганидан кейин, тўсатдан сустлашиши, ибодатларни тарк этиши, яна эски гуноҳларига ва нафс хоҳишларига қайтиши «интикас» дейилади. Яъни, бу — маънавий юксалишдан кейин сустлашиш ва орқага кетишдир.

@arabicuz

iOS | Android
Instagram | Facebook | Twitter | Tiktok | Youtube

✨ 15 йиллик тарих, эзгу ният ва холис хизмат

🌐 «15 йил маърифат таратиб» тадбирини томоша қилинг

@hilolnashr

Табиат

📜Одамлар орасида шундайлари борки, уларнинг табиати тўнғиз табиатидир: энг пок ва гўзал неъматлар ёнидан ўта туриб уларга асло қайрилиб ҳам боқмайди, аммо қачонки инсон ўз ахлатини (чиқиндисини) ташлаб кетса, ўшани териб ейишга киришади!
Худди шунингдек, кўпчилик инсонлар ҳам борки, улар сендан ёмонликларингдан бир неча баробар кўп бўлган гўзал фазилатлар ва яхшиликларни эшитадилар, кўрадилар, бироқ уларни асло ёдларида сақламайдилар, нақл қилмайдилар (гапирмайдилар) ва бу фазилатлар уларнинг табиатига тўғри келмайди.
Аммо қачонки бирор бир хато, тойилиш ёки ножўя сўзни кўриб қолишса, худди ўзлари излаган ва табиатларига мос бўлган ўша нарсани топгандек бўладилар-да, уни ўзлари учун энг суюкли эрмак (зиёфат) қилиб оладилар".

"Мадорижус соликийн"дан.

@arabicuz

iOS | Android
Instagram | Facebook | Twitter | Tiktok | Youtube

14100. Инкор, куфрни софистика (софсата) билан ниқоблаш

Бизнинг замонавий дунёмизда нисбийлик кенг тарқалди, бу инсонни ҳақиқатни излашда дангаса қилиб қўяди ва у ақлига ором бериб шундай дейди: «Бу сенинг нуқтаи назарингда тўғри», «Бу дин ўз эргашувчилари учун ҳақдир», «агар буни тўғри деб ҳисобласанг, бу тўғридир».
Гўёки ҳақиқатнинг ўзи аслида мавжуд эмасдек, шунинг учун биз уни изламаймиз ва гўё у бизнинг тасаввурларимиздан келиб чиқадиган ваҳм, иллюзиядир... Бу қадимда «софистика» деб аталган фикр билан куфрни ниқоблашнинг хунук қайтишидир.

Доктор Аҳмад Даманҳурий

Изоҳ: Софистика (софсата) — бу мантиқан тўғридек туюладиган, аммо аслида нотўғри, чалғитувчи ва сохта хулосаларга асосланган муҳокама ёки баҳс юритиш санъатидир. Келиб чиқиши ва тарихи антик Юнонистон: Милоддан аввалги V-асрда Афинада «софистлар» деб аталган ўқитувчилар пайдо бўлган. Улар одамларга нотиқлик, баҳслашиш ва ҳар қандай мавқени (тўғри ёки нотўғри бўлишидан қатъи назар) ҳимоя қилиш санъатини пул эвазига ўргатишган. Машҳур софистлар: Протагор, Горгий, Продник ва бошқалар.

@arabicuz

iOS | Android

Instagram | Facebook | Twitter | Tiktok | Youtube

14099. Ҳар бир қалб Ҳабиб сари бўлгайдир мойил,
Бу муҳаббат ҳақида менда бор шоҳиду далил.
У далилки, Муҳаммад исми айтилса бир бор,
Орифлар кўзидан ёш оқар, сел каби бисёр.
Эй халқлар шарафи, сиз ҳақингизда сўзим шу -
Эй Аллоҳ Расули, сизга мадҳим оздир, жуда оз.

@arabicuz

iOS | Android

Instagram | Facebook | Twitter | Tiktok | Youtube

илм

📜"Сенга ваҳийси битмасидан, Қуръонга ошиқма ва: «Роббим, илмимни зиёда қилгин», – дегин", Тоҳо сураси, 114 - оят

Улуғлардан бирлари: "Илмнинг нақадар шарафли эканига Аллоҳ таоло Ўз Набийсини ундан янада зиёда қилишни сўрашни буюрганининг ўзи етарлидир", деди.

◽️Ибн Масъуд розияллоҳу анҳу ушбу оятни ўқисалар: "Аллоҳумма зидний ъилман ва ийманан ва яқийнан" - Эй Аллоҳим, менинг илмимни, имонимни ва яқин(ишонч)имни зиёда қил!" деб дуо қилардилар.

◽️Расулуллоҳ соллаллоҳу алайҳи васаллам Жаброил алайҳиссаломдан ваҳийни қабул қилаётганларида, уни унутиб қўймаслик ва тезроқ ёдлаб олиш учун шошилиб қайтарар эдилар. Шунда Аллоҳ таоло ваҳий тугамагунча шошилмасликни, сўнг эса «Роббим, илмимни зиёда қилгин» деб дуо қилишни ўргатди.

@arabicuz

iOS | Android
Instagram | Facebook | Twitter | Tiktok | Youtube

14098. Ҳаётингизда турли зарбаларга учраб бораркансиз, ишонинг, ақлингиз ёшингиздан кўра анча улғайиб боради.

@arabicuz

iOS | Android

Instagram | Facebook | Twitter | Tiktok | Youtube

14097. Мўминларнинг сенга бўлган муҳаббатини асраб-авайла. Чунки бу — исталган ва мақбул нарсадир. Лекин ғурурланишдан эҳтиёт бўл! Зеро, Аллоҳ таоло сени яратди ва сени мўминларга хизмат қилувчи қилди. Ўзинг ҳақингда: «Мен саййидман, менинг олдимга келинади», деб ўйлама. Аксинча, ўзингни хизматкор деб бил. Хизматкор эса хизмат қилинадиган эмас, балки хизмат қиладиган киши бўлади. Ҳар қандай ҳолатда ҳам, агар мўмин-мусулмон инсонлар бўлмаганида, сенинг хизматинг ҳам бўлмас эди. Зеро, хизмат қилинадиган киши бўлмаса, қандай қилиб хизматкор бўлиш мумкин? Шундай экан, сени яхши кўрган кишиларнинг муҳаббатини асра. Чунки мўминнинг мўминга бўлган муҳаббати илоҳий икромдан холи эмас. Сенга қаттиқ, қўпол муносабатда бўлган кишига сен ҳам қаттиқлик билан жавоб беришдан, қарши ҳужум қилишдан эҳтиёт бўл. Сукут сақла ва ишингни Аллоҳга топшир. Бирор кишига озор беришдан эҳтиёт бўл.

Шайх Аҳмад Фатҳуллоҳ Жомий.

@arabicuz

iOS | Android

Instagram | Facebook | Twitter | Tiktok | Youtube

14095. Зубайд ибн Ҳорис Ямий айтди:
«Одамларнинг энг сахийи — эваз кутмай мол-дунё берадиган, эҳсон қиладиганидир.
Одамларнинг энг кечиримлиси — куч-қудрати етиб турганда кечирадиганидир.
Одамларнинг энг афзали — алоқани узган билан муносабатни, алоқани тиклаганидир.
Одамларнинг энг хасиси эса — салом беришга хасислик қилганидир».

«Ровзатул ъуқало» асаридан.

@arabicuz

iOS | Android

Instagram | Facebook | Twitter | Tiktok | Youtube

Истиғфор

📜Агар инсон шикоят қилишдан кўра кўпроқ истиғфор айтганида эди, ҳали шикоят қилишга улгурмасидан олдин роҳатни, хотиржамликни топган бўларди...

@arabicuz

iOS | Android
Instagram | Facebook | Twitter | Tiktok | Youtube

Иффат

Гарчи нафсинг (номаҳрам қиз/йигит билан турли ёзишмалар, севги муносабатларини) истаб турсада, Аллоҳ таоло буюрганидек оила қуришга интилиш, никоҳ энг тўғри ечимдир...

📜"Никоҳга имкон топа олмаганлар, то Аллоҳ уларни Ўз фазлидан бой қилгунича иффатларини сақласинлар", Нур сураси, 33 - оят.

@arabicuz

iOS | Android
Instagram | Facebook | Twitter | Tiktok | Youtube

14096. Абдуллоҳ розияллоҳу анҳудан ривоят қилинади: «Биз Набий соллаллоҳу алайҳи васаллам билан бирга Минодаги бир ғорда эдик. Ногаҳон у зотга «Вал-мурсалот» нозил бўлиб қолди. У зот уни тиловат қилар, мен эса уни оғизларидан қабул қилиб олар эдим. Оғизлари ҳали бундан қуримай туриб, тўсатдан бир илон бизга ташланди. Набий соллаллоҳу алайҳи васаллам: «Уни ўлдиринглар!» дедилар. Биз уни ушлашга шошдик. У қочиб кетди. Шунда Набий соллаллоҳу алайҳи васаллам: «Сизлар унинг ёмонлигидан қутулиб қолганингиздек, у ҳам сизнинг ёмонлигингиздан қутулиб қолди», дедилар».

Имом Бухорий ривояти.

@arabicuz

iOS | Android

Instagram | Facebook | Twitter | Tiktok | Youtube

Иймон

📜(Бугунги кунда) одамлар миллионлаб кўришлар (просмотр), минглаб лайклар ва кузатувчилар сони ортидан қуваётган, шу билан бирга, шон-шуҳрат ва эътибор марказида бўлиш учун бир-бирлари билан беллашаётган бир замонда...
Фиръавн оиласидан бўлган мўмин кишини эслайлик. Қуръонда унинг исми айтилмаган бўлса-да, унинг мавқифи абадийлаштирилди, ҳатто унинг қиссаси зикр қилингани учун «Ғофир» сураси «Муъмин» сураси деб ҳам аталди.
Ихлос ва самимият дарси нақадар теран! «Ер аҳлидан сенинг номинг яширинган бўлиши мумкин, аммо само аҳли ҳузурида қадринг баланддир. Чунки Аллоҳ учун бўлган нарса давомли ва боғлиқдир, Аллоҳдан бошқаси учун бўлгани эса узилади ва йўқолади».

Доктор Аҳмад Исо Маъсоравий.

◽️Изоҳ: "Оли Фиръавндан бўлган, иймонини беркитиб юрадиган бир мўмин киши деди: «Бир одамни «Роббим Аллоҳдир», дегани учун ўлдирасизларми?! Ҳолбуки, у сизга Роббингиздан очиқ-ойдин ҳужжатлар ила келмишдир...".
Ғофир сурасининг 28-44 оятлари мазмунига қаранг.

@arabicuz

iOS | Android
Instagram | Facebook | Twitter | Tiktok | Youtube

14094. Руҳлар ўз жисмларини тарк этганида, ортида қадр-қимматсиз, хароб бир уйни қолдиради. Бутун қадр-қиммат руҳдадир. Руҳ эса бу золимлар қўлида эмас, балки раҳм қилувчиларнинг энг раҳмлиси — Аллоҳнинг ҳузуридадир.
Бас, руҳ(жон)и золимлардан бирортасининг қўлида асир бўлиб қолмаган киши нақадар бахтлидир.

Айман Аттумнинг “Ясмаъууна ҳасийсаҳа” асаридан.

@arabicuz

iOS | Android

Instagram | Facebook | Twitter | Tiktok | Youtube

14092. Абдураззоқ ибн Абдулмажиднинг «Масодирун насронийя» асарида: "Исо алайҳиссаломнинг даъвати Мусо алайҳиссалом шариатини тўлдирувчи, уни изоҳловчи, унинг давоми ва даврлар ҳамда замонлар ўтиши билан унда пайдо бўлган оғишлар ва адашишларни тузатувчи бўлган. Шунингдек, у киши Бани Исроил учун баъзи енгилликлар ва осонликлар келтирганлар", дейди.

Доктор Али Муҳаммад Саллобийнинг «Масиҳ Исо ибн Марям: комил ҳақиқат» китобидан.

@arabicuz

iOS | Android

Instagram | Facebook | Twitter | Tiktok | Youtube

14091. Абдуллоҳ ибн Умар ва Абу Ҳурайра розияллоҳу анҳумодан ривоят қилинган.
Расулуллоҳ соллаллоҳу алайҳи васаллам: «Амалларнинг энг афзали мўмин биродаринг (қалбига) сурур олиб киришинг ёки ундаги қарзни адо қилишинг ёки нон (таом) едирмоғингдир», деб айтдилар.

Имом Табаронийнинг «Мўъжамул авсат» ва имом Байҳақийнинг «Шуъабул иймон» тўпламида келтирилган.

@arabicuz

iOS | Android

Instagram | Facebook | Twitter | Tiktok | Youtube

14090. Руҳлар фақат Унинг муҳаббати билан таскин топадиган,
қалблар фақат Унинг зикри билан хотиржам бўладиган,
ақллар фақат Уни таниш (маърифати) билан покланадиган,
муваффақиятга фақат Унинг тавфиқи билан эришиладиган,
ҳеч бир иш Унинг изнисиз юз бермайдиган,
нохушликлардан фақат Унинг раҳмати билан қутулинадиган, орзу-умидларга фақат Унинг енгиллаштириши билан эришиладиган
ва саодатга фақат Унга итоат қилиш билан эришиладиган Зот- Аллоҳ барча айбу нуқсонлардан покдир!

Аллоҳим! Нафсларимизга тақвосини бер ва уни поклагин, Сен уни поклагувчиларнинг энг яхшисидирсан.
Сен унинг Эгаси ва Мавлосидирсан.

«Мадорижус соликин» асаридан.

@arabicuz

iOS | Android

Instagram | Facebook | Twitter | Tiktok | Youtube

14089. 1912 йилда Аҳмад Закий пошшо араб тили ёзувига тиниш белгиларини киритди. Араблар эса ундан олдин улардан фойдаланмаган эдилар.

Изоҳ: Тарихий аниқлик: «араблар тиниш белгиларини ишлатмаган» деб айтиш тўғри эмас. Қадимги арабий қўлёзмаларда ва айрим илмий манбаларда турли ажратиш ва тўхташ белгиларидан фойдаланилган. Аҳмад Закий пошшонинг асосий хизмати — замонавий пунктуация белгиларини араб ёзувига тизимли равишда киритиш ва уларнинг қўлланиш қоидаларини белгилаш эди.

@arabicuz

iOS | Android

Instagram | Facebook | Twitter | Tiktok | Youtube

Қадар

📜Фиръавн Мусо келишидан қўрқиб минглаб гўдакларни сўйдирди..
Мусо алайҳиссалом келганида эса... Уни ўз (қасрида) тарбиялади!
Аллоҳнинг қадарлари муқаррар амалга ошажакдир... Хотиржам бўлинг.

@arabicuz

iOS | Android
Instagram | Facebook | Twitter | Tiktok | Youtube

Ажал ва амал

📜Сен дунёга келиш вақтингни ҳам, туғилган жойингни ҳам танламагансан. Худди шундай, кетиш (вафот этиш) соатингни ва қайси жойда вафот қилишингни ҳам танлай олмайсан. «Ҳеч бир жон қайси ерда ўлишини ҳам билмас», Луқмон сураси, 34-оят.
Сен дунёга қадар билан келдинг ва белгиланган ажал билан кетасан. Келиш ва кетиш оралиғидаги умр эса, танлов қилишинг ва амал қилишинг учун берилган. Охиратдаги оқибатинг эса қилган амалларингга боғлиқ бўлади.

◽️"Албатта, Соат илми ёлғиз Аллоҳнинг ҳузуридадир. Ёмғирни У ёғдирур. Бачадонлардаги нарсани ҳам У билур. Ҳеч бир жон эртага нима касб қилишини билмас. Ҳеч бир жон қайси ерда ўлишини ҳам билмас. Албатта, Аллоҳ ўта билувчидир, ўта хабардордир", Луқмон сураси, 34 - оят.

@arabicuz

iOS | Android
Instagram | Facebook | Twitter | Tiktok | Youtube

14088. Кўпчилик мусулмонлар жаннат башорати берилган эркакларни биладилар, аммо мусулмон аёлларидан жаннат башорати берилган аёлларни билмайдилар. Абдуллоҳ ибн Жаъфар ибн Абу Толиб ривоят қилади. Расулуллоҳ соллаллоҳу алайҳи васаллам: «Менга Хадичага жаннатдаги бир уй ҳақида хушхабар бериш буюрилди. У уйда ҳеч қандай шовқин-сурон ва машаққат бўлмайди», дедилар. Имом Суютий ривояти.

Изоҳ: Абу Ҳурайра розияллоҳу анҳудан ривоят қилинади: «Жаброил Набий соллаллоҳу алайҳи васалламга келиб, «Эй Аллоҳнинг Расули, Хадижа сизга бир идишда нонхуруш [ёки таом, ёки шарбат] олиб келяпти.
Олдингизга келганда унга Роббининг ва менинг номимдан салом айтинг ҳамда унга жаннатда ичида ғавғо ҳам, чарчоқ ҳам бўлмаган, ғовак дурдан бўлган бир уйнинг башоратини беринг», деди».
Имом Бухорий ривояти.

@arabicuz

iOS | Android

Instagram | Facebook | Twitter | Tiktok | Youtube

Ҳидоят

📜"У аҳлига: «Туриб туринглар, албатта, мен ўтни кўриб қолдим. Балки, у ердан сизга бирор хабар ёки исинишингиз учун бир тутам чўғ олиб келарман», – деди", Қосос сураси, 29 - оят

Имом Бағавий оятнинг тафсирида айтди: "Мусо алайҳиссалом жуда ғаюр, рашкчи киши эди. Аёлини бошқалар кўрмаслиги учун ҳамроҳлар (карвон) билан бирга юрмас эди. Адашиб қолиб, оловни кўрган вақтида, у орқали йўл топишни истади. Лекин у олов эмас, балки нур эди".

◽️Изоҳ: "Тафсири Қуртубий"да ушбу оят қўйидагича тафсир қилинади: Ибн Аббос ва бошқалар айтдилар: «Бу ҳодиса Мусо алайҳиссалом муддатни ўтаб бўлиб, оиласи билан йўлга чиққанда содир бўлди. У Мадян томондан келаётган ва Мисрга боришни ирода қилган эди. У йўлдан адашиб қолди. Мусо алайҳиссалом жуда рашкчи киши эди. Одамлар аёлини кўриб қолмасинлар, деб рашк қилганидан улар билан кечаси бирга юрар, кундузи эса улардан ажралиб олар эди. Аллоҳ таолонинг азалий илмида ўтган тақдир сабабли у ҳамроҳларидан адашиб қолди ва бу жуда қоронғи кеча эди».
Муқотил айтди: «Бу қиш фаслидаги жума кечаси эди».
Ваҳб ибн Мунаббиҳ айтди: «Мусо алайҳиссалом Шуайб алайҳиссаломдан онасининг олдига қайтишга ижозат сўради. У ижозат бергач, аҳли ва қўй-эчкилари билан йўлга чиқди. Йўлда, совуқ ва қорли қиш кечасида унга бир ўғил фарзанд туғилди. У йўлдан адашиб, чорваси ҳам тарқалиб кетган эди. Мусо чақмоқтошни чақди, аммо ундан ҳеч қандай олов чиқмади. Шу пайт йўлнинг чап томонида, олисдан бир оловни кўриб қолди ва аҳлига: “Кутиб туринглар (яъни шу турган жойингизда турингиз), мен бир оловни кўриб қолдим”, деди».
Ибн Аббос айтди: «У олов томон юриб борганида, оловнинг бир сидр (ёки анор, чилонжийда) дарахтида эканини кўрди. У ушбу нурнинг гўзаллиги ва дарахтнинг ниҳоятда яшнаб-яшил бўлиб турганидан ҳайратда тўхтаб қолди. Оловнинг шиддатли ҳарорати дарахтнинг гўзал яшиллигини ўзгартирмас, дарахт шарбатининг кўплиги ва баргларнинг майин яшиллиги эса олов нурининг гўзаллигини сўндирмас эди».
Маҳдавий эса шундай эслатди: «Ривоят қилинишича, у оловни чакалакзор (сертикон) дарахтда кўрди ва унга томон интилди. Аммо олов ундан узоқлашди. У орқага қайтган эди, дилида хавфни туйди. Сўнг олов унга яқинлашди ва Аллоҳ азза ва жалла дарахт томондан унга сўзлади».
Мовардий айтди: «У Мусонинг назарида олов эди, Аллоҳ таолонинг ҳузурида эса нур эди».

@arabicuz

iOS | Android
Instagram | Facebook | Twitter | Tiktok | Youtube

14087. Ғазабнинг энг яхши даво, муолажаси — бироз кутиб туришдир.
Яъни, муносабат билдиришда, гапиришда, ҳукм чиқаришда ва гумон қилишда шошилмаслик (тин олиш).
Инсон ғазабланган пайтда жавоб қайтаришга бироз шошилмаса, қалбидаги ҳовури босилади ва кўнглидаги ғуборлар тарқалади.
Ҳақиқат шуки, шошқалоқлик — агар ҳар доим бўлмаса ҳам, кўпинча аҳмоқликларнинг асли, асосий илдизидир.

@arabicuz

iOS | Android

Instagram | Facebook | Twitter | Tiktok | Youtube

14086. Оиша розияллоҳу анҳодан ривоят қилинади: «Набий соллаллоҳу алайҳи васалламнинг баъзи жуфти ҳалоллари Набий соллаллоҳу алайҳи васалламга: «Қай биримиз сизга тезроқ етишамиз?» дейишди. У зот: «Қўли узунроғингиз», дедилар. Улар бир қамиш олиб, билакларини ўлчай бошлашди. Савда уларнинг энг қўли узуни экан. «Қўлнинг узунлиги» садақа эканини кейинроқ билдик. У зотга энг тез етишганимиз (Зайнаб) бўлди, у садақа қилишни яхши кўрар эди».

Имом Бухорий ривояти.

@arabicuz

iOS | Android

Instagram | Facebook | Twitter | Tiktok | Youtube