🌿Rruga e Lumturise🌿

Ebu Hurejra dhe Ebu Seid el-Hudri رضي الله عنهما transmetojnë se Profeti ﷺ ka thënë:

«Nuk e godet muslimanin as lodhje, as sëmundje, as shqetësim, as pikëllim, as ndonjë lëndim, as brengë, madje as gjembi që e shpon, veçse Allahu i shlyen me të disa nga gjynahet e tij.»


Madhështia e shpërblimit sipas madhështisë së sprovës!

Enes ibn Malik رضي الله عنه transmeton se Profeti ﷺ ka thënë:

«Vërtet, madhështia e shpërblimit është sipas madhështisë së sprovës. Dhe kur Allahu e do një popull, i sprovon. Kush është i kënaqur, për të është kënaqësia [e Allahut], ndërsa kush zemërohet, për të është zemërimi.»

Profetët dhe njerëzit më të mirë janë sprovuar më së shumti
Profeti ﷺ u pyet: “Cilët njerëz sprovohen më së shumti?” Ai tha:
«Profetët, pastaj ata që janë më të mirë dhe më të ngjashëm me ta, pastaj ata pas tyre. Njeriu sprovohet sipas nivelit të fesë së tij. Nëse është i fortë në fenë e tij, sprova e tij bëhet më e madhe; ndërsa nëse ka dobësi në fenë e tij, sprovohet sipas saj. Sprova vazhdon ta godasë robin derisa ta lërë të ecë mbi tokë pa pasur më asnjë gjynah.»

Sa e mrekullueshme është çështja e besimtarit!

Suhejb E-Rrumi رضي الله عنه transmeton se i Dërguari i Allahut ﷺ ka thënë:

«Sa e mrekullueshme është çështja e besimtarit! E gjithë çështja e tij është mirësi dhe kjo nuk është për askënd tjetër përveç besimtarit. Nëse e godet një mirësi, ai falënderon dhe kjo është mirësi për të; ndërsa nëse e godet një vështirësi, ai duron dhe kjo është mirësi për të.»

Allahu e bëftë durimin tënd shkak për ngritjen e gradëve të tua, shërim dhe mirëqenie për ty.

https://t.me/balliuedlira

🏡 Nje shtëpi e lumtur!

Mos i bëni familjarët e bashkëshortit apo familjarët e bashkëshortes palë në çdo mosmarrëveshje që ndodh brenda shtëpisë.
Disa probleme zgjidhen mes bashkëshortëve me një fjalë të qetë dhe një kërkim të sinqertë faljeje, ndërsa tregimi i çdo detaji të konfliktit te të tjerët mund ta komplikojë edhe më shumë çështjen.
🌿 Ruajeni privatësinë e shtëpive tuaja dhe kërkoni ndihmën e njerëzve të urtë kur është e nevojshme për pajtim, jo për ta shtuar konfliktin.
Allahu i Madhëruar thotë:
﴿إِن يُرِيدَا إِصْلَاحًا يُوَفِّقِ اللَّهُ بَيْنَهُمَا﴾
“Nëse ata të dy duan pajtim, Allahu do t’i pajtojë ata.”(En-Nisa, 35)

Jo çdo mosmarrëveshje ka nevojë për një turmë njerëzish… Disa mosmarrëveshje kanë nevojë vetëm për dy zemra të qeta.🫶

https://t.me/balliuedlira

Thuhej se një prej selefëve kur u pyet se:
“Çfarë është lumturia?”
Ai u përgjigj:
“Shëndet dhe mirëqenie në këtë botë, dhe falje në botën tjetër.”

E lus Allahun që mua dhe juve të na dhurojë falje dhe mirëqenie në këtë botë dhe në botën tjetër.”🌸🍃

https://t.me/balliuedlira

Optimizmi i vërtetë është që zemra jote të mbetet e lidhur me shpresën tek çlirimi dhe lehtësimi nga Allahu, edhe atëherë kur të gjitha rrethanat duken sikur janë kundër teje.
Deti ishte përpara profetit të Allahut, Musait ﷺ, ndërsa armiku ishte pas tij. E megjithatë, ai tha me bindje të plotë:
«Kurrsesi! Vërtet, Zoti im është me mua dhe Ai do të më udhëzojë.»
(Esh-Shu‘ara, 62)
Prandaj, kur rrugët dhe shkaqet të ngushtohen para teje, kujto se fuqia e Allahut nuk kufizohet nga shkaqet dhe se lehtësimi mund të vijë nga aty ku nuk e pret.
E lusim Allahun të na begatojë me mendim të mirë për Të dhe të na japë për çdo brengë një çlirim, e për çdo vështirësi një rrugëdalje. ❤️

https://t.me/balliuedlira

{...E Zoti yt deshi që ata të arrinin pjekurinë e tyre dhe ta nxirrnin thesarin e tyre....}Kehf:82

Ki besim te Allahu!Vërtet në vonimin e dhuratave ka urtësi, edhe nëse ajo të fshihet.
Disa gjëra, po t’i kishim marrë herët, do t’i kishim humbur.
Koha është pjesë e përgjigjes, por njeriu është i nxituar!
Edhe në ndalim ka mëshirë, nëse nuk e kupton.
Sa herë kemi qarë për gjëra që i donim me gjithë shpirt,pastaj kaloi koha dhe zbuluam se e mira ishte të mos na jepeshin.
Me kalimin e kohës do ta njohësh urtësinë e Allahut në çdo gjë që të ka ndodhur,dhe do ta kuptosh se ajo që Allahu deshi për ty ishte më e mirë
se ajo që e doje ti për veten! 📚🤍

Allahu i Lartësuar thotë:

"Nuk ka për robin Tim besimtar shpërblim tjetër tek Unë, vetëm se kur Unë ia marr njeriun e tij më të dashur nga banorët e kësaj bote, e pastaj ai e duron këtë duke shpresuar shpërblimin tek Unë, përveç Xhenetit."

Shpjegimi i hadithit
Durimi i bukur përballë vështirësive të kësaj bote dhe humbjes së njerëzve të dashur është prej virtyteve të besimtarit të vërtetë. Allahu ka caktuar për këtë durim një shpërblim madhështor.

Në këtë hadith kudsij, i Dërguari i Allahut ﷺ përcjell nga Allahu i Madhëruar se robi besimtar nuk ka shpërblim tjetër tek Allahu, kur Ai ia merr shpirtin njeriut të tij më të dashur si fëmija, vëllai apo çdo person që ai e do dhe ai e përballon këtë fatkeqësi me durim, duke shpresuar shpërblimin nga Allahu, përveç Xhenetit.

Prej dobisë së hadithit:
Ky hadith tregon madhështinë e shpërblimit për fatkeqësinë që e godet besimtarin në humbjen e atyre që i do nga njerëzit e kësaj bote, nëse ai tregohet i durueshëm dhe e pret shpërblimin nga Allahu.

https://t.me/balliuedlira

🍃 Ibn Kajjim, Allahu e mëshiroftë, ka thënë:

🍃 Ai që nuk sheh mirësinë e Allahut tek vetë ushqimi e pirja e tij, tek shëndeti i trupit të tij, nuk ka aspak pjesë arsyetimi.
🍃 Mirësia më e madhe e Allahut është Islami dhe besimi, dhe të tërhiqet robi i Tij drejt Tij, të gëzohet në adhurimin e Tij; kjo është mirësia më e madhe.
🍃 E kjo kuptohet vetëm me dritën e arsyes dhe suksesin e udhëzimit.

Allahu thote ne kuran:

{U është obliguar agjërimi ashtu si u obligua edhe popujve para jush...}

📍 Agjërimi lehtëson detyrën dhe ngushëllon shpirtin e atij që e kryen, duke e bërë më të lehtë për të përmbushur detyrën e ngarkuar. Allahu ka bërë të ditur se agjërimi ishte i detyrueshëm edhe për popujt e mëparshëm; kur obligimet përhapen, bëhen më të lehta për t’u përmbushur.
┄༻💥🌷💥༺┄
📍 Ky Ramazan është muaj pendimi dhe heqjeje dorë nga mëkatet, përkushtimi dhe nxitoja në vepra të mira. Në këtë muaj Allahu zbriti Kuranin, librin e Tij të Madhërishëm e veçoi këtë muaj me natën e Kadrit. Lum kush agjëron dhe falet natën me përkushtim, mbron trupin nga rrugët e mëkateve, mban gjuhën nga fjalët e kota dhe flet vetëm për përmendjen e Allahut, ky është thelbi i agjërimit.

┄༻💥🌷💥༺┄
📍 Arritja e muajit të Ramazanit dhe agjërimi i tij është një dhuratë e madhe për atë që Allahu ia ka mundësuar. Ai që ka mëshirë në Ramazan është i bekuar; ai që nuk përfiton nga mirësitë e tij është i privuar; dhe kush nuk përgatitet për takimin me Allahun gjatë këtij muaji, do të ndihet ne faj dhe i privuar.

https://t.me/balliuedlira

🍃 Mësoji fëmijët e tu ta madhërojnë Ramazanin!
🍃 Mësoji ta vlerësojnë këto net dhe adhurimin në to
🌷 Ka thënë dijetari Salih el-Feuzan (Allahu e ruajtë):
🍃 Shumë njerëz janë bërë të pakujdesshëm ndaj fëmijëve të tyre, duke i lënë të bredhin rrugëve,
🍃 Të rrinë zgjuar natën për lojëra dhe gjëra të kota, pa i respektuar këto net dhe pa pasur ato vend në zemrat e tyre dhe kjo është nga edukimi i keq.
🍃 Është privim i qartë dhe humbje e madhe që këto net të vijnë e të mbarojnë, ndërsa shumë njerëz janë në pakujdesi, të larguar, pa u interesuar për to dhe pa përfituar prej tyre.
🍃 Ata e kalojnë tërë natën ose pjesën më të madhe në gjëra pa dobi, ose me dobi të kufizuar që mund të merrej në një kohë tjetër,
🍃 Dhe i lënë këto net pa bërë atë për të cilën janë caktuar. Kur vjen koha e namazit të natës, flenë dhe humbin një të mirë të madhe, të cilën ndoshta nuk do ta arrijnë vitin tjetër.
🍃 Madje kanë ngarkuar veten, familjen dhe fëmijët me barra të rënda (gjynahe), pa menduar për përfundimin e keq të tyre.

https://t.me/balliuedlira

Medito se lidhja mes agjërimit dhe Kuranit kanë të bëjnë me ndërmjetësimin për robin në Ditën e Gjykimit dhe shiko se këto dy adhurime te fuqishme largojnë dëshirat më të mëdha, ruajnë nderin (dëlirësinë) dhe gjuhën.
Agjërimi thyen dëshirën për epshe e dëfrime te kota ndërsa Kurani thyen dëshirën për të folur kot.
Kështu madhërohet adhurimi i atij që agjëron dhe lexon Kuran, dhe ai vërtet meriton ndërmjetësimin e tyre.
A e di çfarë do të thotë të lirohesh nga Zjarri?!
A ke menduar ndonjëherë të mos dëgjosh as zhurmën e tij?
Të mos ndjesh as prekjen e tij?

E pra o njeri,nuk është njësoj ai që falet me atë që fle,
nuk është njësoj ai që vepron me atë që heq dorë.
Përpiqu… sepse lirimi nga Zjarri është çdo natë.
Çdo ditë në Ramazan mund të jetë një fillim i ri,
një derë e gjerë për në Xhenet.
Mos shiko pas dhe mos thuaj “u vonova!”Ti ende je në ditët e garës, prandaj përfito prej tyre. 🌙✨

https://t.me/balliuedlira