Ibnu Munewor (ኢብኑ ሙነወር)

እንድትሰፋ ሆነህ ተቀደድ
~
አዲስ የተጋቡ፣ የጫጉላ ጊዜያቸውን በመካ ከተማ ሊያሳልፉ የተጓዙ ሁለት ባንግላዴሻውያን ሙሽራዎች ባል ሚስቱን ግንባሯን በመሳሙ የተነሳ በሳዑዲ የሸሪዐ ህግ በሞት ተቀጡ እያሉ እየተቀባበሉ ነው እነ አዝብጤ እና እነ ማንጠግቦሽ። የተወሰኑ ቢሆኑ አይደንቀንም ነበር። ኢስላም እና ሙስሊሞች ላይ በውሸት ማጠልሸት ከነሱ የለመድነው ነው። ትንሽ ትኩረት የሚስበው በዘመቻ መልክ ሲረባረቡ ነው። ሲመስለኝ ትልልቅ የእምነት አባቶቻቸው ላይ በስፋት እየታየ ያለው የዝሙት ቅሌት የአገር መነጋገሪያ መሆኑ ስላመማቸው ሰበብ እየፈለጉ የቆዩ ይመስላል። በነገራችን ላይ ቅጥፈታቸውን በዓለም አቀፍ ደረጃ ነው እየተቀባበሉት ያሉት።

* አንዱ ዘገባ ላይ "የበለጠ የሚያሳዝነው ሴቷ ነፍሰ ጡር መሆኗ ነው" ይላል። ይቀጥልና "የበለጠ የሚያሳዝነው የ12 ዓመት ሴት ልጅ ያላቸው መሆኑ ነው" ይላል። "ሙሽራ ሆና ነፍሰ ጡር ከዚያም በላይ የ12 ዓመት ልጅ ሊኖራት እንዴት ይችላል? እንዴት በዚህ መልኩ ያስባሉ" እንዳትሉ። ሁለት ተቃራኒ ነገሮችን ተቀብሎ አብሮ የማመን ችግር ባይኖርባቸውም እዚህ ላይ ግን ዋናው ምክንያታቸው ከጋብቻ በፊት ሲንዘላዘሉ ቆይቶ አርግዞ፣ ወልዶ መጋባት 'ኖርማል' ስለሆነ ነው እነሱ ዘንድ። ሁሉ እንደነሱ ይመስላቸዋል። አልፎ አልፎ የሚሳሳት የትም አለ። በተጋነነ መልኩ በመብዛቱ እንደ 'ኖርማል' እየታዬ ያለው የት እንደሆነ ግን በሚገባ ይታወቃል።

* ሌላኛው ደግሞ "የሚገርመው ጭንቅላቱን አስቀርተው ከአንገት በታች ያለውን ነው ለቤተሰብ የሚልኩት" ሲሉም ነበር።

በነዚህ ሰዎች ውሸትን ማናፈስ አትደነቁ። ችግሩ ያለው ከስር ካለው መNጋ በላይ ከአናቱ ነው። "የዓሳ ግማቱ ከአናቱ" የሚለው በደንብ ይገልፃቸዋል።
በነገራችን ላይ ውሸታቸው ሊገርመን አይገባም። ፍጡርን ፈጣሪ ከማድረግ በላይ አይደለም ይሄ።

ለማንኛውም ሰዎቹ ባልና ሚስት አይደሉም። በመሳሳማቸው ነው ሞት የተፈረደባቸው የሚለውም የለየለት ቅ- ጥ ^ፈት ነው። የሟቾቹም ቤተሰቦች ልጆቻቸው ትዳር እንደሌላቸው ነው የተናገሩት።

በተረፈ እርምጃው ስህተት ቢኖርበት እንኳ የአንዲትን ሃገር እርምጃ እስልምናን ለማንቋሸሽ አታነሱም ነበር። ያለበለዚያ የክርስቲያኑ ዓለም ሃገራትን ማፈራረስ፣ በመቶ ሚሊዮን የሚቆጠሩ ህዝቦችን መፍጀት፣ በቤተ ክርስቲያናት ጭምር የተንሰራፋው የተመሳሳይ ፆታ ጋብቻ፣ ልቅ የወሲብ ምስሎችን እያመረቱ ለዓለም ማከፋፈል፣ የስነ ምግባር ዝቅጠቶች ወደ እምነታችሁ በማስጠጋት ቢገለፅ ልትቀበሉ ይገባል። አፍሪካን በቅኝ ግዛት የተቀራመቱት ክርስትናን ለማስፋፋት እንደነበረ የታሪክ ድርሳናት ይናገራሉ። የአንደኛው እና የሁለተኛው የዓለም ጦርነቶች፣ የቅኝ ግዛት ዘመቻ፣ በአውሮፓ፣ በሁለቱ አሜሪካ አህጉሮች፣ በኤሺያ፣ በአፍሪካ፣ በአውስትራሊያ በመቶ ሚሊዮን የሚቆጠሩ ህዝቦችን የፈጁ መሪዎች የእስልምና ሃይማኖት ተከታዮች አይደሉም፣ የክርስትና እንጂ። ኢትዮጵያ ውስጥ ከ35 ሺ በላይ ሙስሊሞችን የፈጀው አፄ የቤተ ክርስቲያን ድጋፍ እንደነበረው የታወቀ ነው። አዋቂዎችን ብቻ ሳይሆን ህፃናትን ጭምር፣ ሰውን ብቻ ሳይሆን እንስሳቶችን ጭምር በመF ጀት የሚያዙ ጥቅሶችን የያዘ መፅሀፍ ይዘህ ወደ እስልምና ጣትህን ልትቀስር ስትነሳ እስከ ዶቃ ማሰሪያህ የሚነግርህ ትውልድ በሽ ነው ዛሬ። ሚዲያውን በብቸኝነት ይዘህ እንዳሻህ የምትፈነጭበት ዘመን ላይመለስ ሄዷል። ዛሬ ትናንት አይደለም።
=
የቴሌግራም ቻናል፡-
https://t.me/IbnuMunewor
https://t.me/IbnuMunewor

አሰላሙ ዐለይኩም
~
ዛሬ በዘህራእ መስጂድ የሚሰጠው ደርስ ላይ መገኘት አልቻልኩም፣ በጣም ዐፍወን።

አሰላሙ ዐለይኩም
~
ዛሬ በዘህራእ መስጂድ የሚሰጠው ደርስ ላይ መገኘት አልቻልኩም፣ ዐፍወን።

متن منظومة البيقوني.pdf

السلام عليكم ورحمة الله وبركاته
በሑዘይፋ መስጂድ ዘወትር እሁድ ረፋድ ላይ የሚሰጠው ሳምንታዊ ደርሳችን እንደተጠበቀ ነው፣ ኢንሻአላህ።

ቀልብ የፅድቅም የጥፋትም የእዝ ማዕከል
~
ጀነት ነፍስ በምትጠላቸው ነገሮች ተከባለች፤ ጀሀነም ደግሞ ነፍስ በምትወዳቸው ሸይጧን በሚያስውባቸው አማላይ ነገሮች፡፡ በብዙ ሁኔታዎቻችን ከአረሕማን ይልቅ ለሸይጧን የቀረብን ነን፡፡ ዐይኖቻችን፣ ጆሮዎቻችን፣ እጆቻችን፣ እግሮቻችን፣ እንዲሁም ምላሳችን ለሸይጧናዊ ተልእኮ የሰሉ ናቸው፡፡ ቀላሉን አምላካዊ ክልከላ መታገስ አቅቶን ከባባድ ሸይጧናዊ ልፋት ላይ እንተጋለን፡፡ ሁሉም የሰውነታችን ክፍሎች ለጥፋት ሲተባበሩ፣ አንዳቸው ብቻ ለሚበቁት ኸይር ግን ተባብረውም ይዝላሉ፡፡ ይሄ ሁሉ የሚሆነው እንግዲህ ማዕከሉን “ዋግ” ሲመታው ነው፡፡ ቀልብ በሺርክ፣ በቢድዐ፣ በስሜት፣ ለሙስሊሞች በምታረግዘው ክፋት፣ … ከተበከለች ታማ፣ ታውካ፣ አመርቅዛ ትሞታለች። ታዲያ ቀልብ ስትሞት ሞቷ ለኸይሩ እንጂ ለሸሩማ ኢንኩቤተር ትሆናለች - ክፉ የሸር መፈልፈያ። ብቻ ሂወቷ በኢማን ካልኩሌተር ሲሰላ ያለ ኢማን ሂወት የለምና ሞታለች - የምር ሞት! ከዚያስ? ከዚያማ ቀልብ ተበላሽታ ሌላው ሰውነት ምን ጤና ሊኖረው? የአካል እንቅስቃሴ በሙሉ ደመ-ነፍሳዊ ይሆናል። ተንቀሳቃሽ ሙት! ግድግዳ የተጠጋ እንጨት ሆኖ ሂወት እንዳለው ያስባል፡፡

ከዚህ በኋላ ዐይንም ዐይን ጆሮም ጆሮ አልሆነም፡፡ የሰማያትና የምድር አፈጣጠር፤ የሌሊትና የቀን መተካካት ለሱ ከታክሲዎች መተላፍ፣ ሽንት ቤት ደርሶ ከመመለስ ብዙም ልዩነት የለውም፡፡ ችግሩ ከማዕከሉ ነዋ!

(أَفَلَمۡ یَسِیرُوا۟ فِی ٱلۡأَرۡضِ فَتَكُونَ لَهُمۡ قُلُوبࣱ یَعۡقِلُونَ بِهَاۤ أَوۡ ءَاذَانࣱ یَسۡمَعُونَ بِهَاۖ فَإِنَّهَا لَا تَعۡمَى ٱلۡأَبۡصَـٰرُ وَلَـٰكِن تَعۡمَى ٱلۡقُلُوبُ ٱلَّتِی فِی ٱلصُّدُورِ)

"ለነርሱም በነርሱ የሚያውቁባቸው ልቦች ወይም በነርሱ የሚሰሙባቸው ጆሮዎች ይኖሩዋቸው ዘንድ በምድር ላይ አይሄዱምን እነሆ ዐይኖች አይታወሩም። ግን እነዚያ በደረቶች ውስጥ ያሉት ልቦች ይታወራሉ፡፡" [አልሐጅ፡ 46]

በሌላ በኩል ልብ ከተስተካከለች፣ በኢማን ከተዋበች፣ በተቅዋ ካሸበረቀች መላ ሰውነት ጤና ይኖረዋል፡፡ ፊትም ኑር ይላበሳል፡፡ ዐይኖች በሐራም አይገግሙም፡፡ ጆሮዎች ለሙዚቃ አይቆሙም፡፡ ምላስም የሀሜት ማሽን አትሆንም፡፡ ከውጭ ሙስሊም ያልሆነ ገፅታ እየተስተዋለ ምላስ “ዋናው ልብ ነው” እያለች አታሽቃብጥም፡፡ ማዕከሉ ነቅቶባታላ!

ልብ ስትስተካከል እውነተኛ ማንነት ይገኛል፡፡ ከውስጥም ሙስሊም፣ ከውጭም ሙስሊም! በሐያእ የለሰለሰ፣ በውጭ ገፅታው ያልተኮፈሰ፣ በልቡ የመጠቀ፣ ከእንቶ ፈንቶ የራቀ ልዩ ስብእና! አቡበክር ሲዲቅ ረዲየላሁ ዐንሁ ከሌሎች በተለየ የላቁት በሶላትና በፆማቸው ብዛት አልነበረም፡፡ ይልቁንም ልባቸው ውስጥ በፀደቀ ነገር ነበር። ኢማን! የቀልብ ልዩ ክብር!

ባጭሩ ጥፋታችንም ልማታችንም ከልብ ጋር የተሳሰረ ነው ማለት ነው፡፡ ታዲያ እኔና እርሶ የቱጋ ነን? ሰገነት ወይስ ጫማ ተራ? ነው ወይስ መሀል ሰፋሪ? በሌላ አነጋገር ልባችን ጤነኛ ነው? በሽተኛ ነው? ወይስ ሞቷል? ለካ ይህንንም ለማወቅ ልብ ያስፈልጋል፡፡ "ባለ ልቦናዎቹ እንጂ አይገነዘቡም" አይደል ያለው ኻሊቁ?

አንተ ልቦችን ገለባባጭ የሆንከው ጌታችን ሆይ! ልቦቻችንን ወደ ትእዛዝህ አዙርልን። በዲንህም ላይ አፅናን፡፡ አላሁመ ኣሚን፡፡

(ኢብኑ ሙነወር፣ 2001)
https://t.me/IbnuMunewor
https://t.me/IbnuMunewor

"የኛዎቹ"ም ቢሞክሩት
~
ዛምቢያዊው ፓስተር ጀምስ ሳካራ "እንደ እየሱስ በሶስተኛው ቀን መቃብር ፈንቅዬ እነሳለሁና ከነ ህይወቴ ቅበሩኝ" በማለት ተከታዮቹን ባዘዘው መሰረት ከነ ነፍሱ ይቀብሩታል፡፡

ከሶስት ቀን በኋላ ቢመለሱ መቃብር ቆፍሮ አልወጣም። ሲቆፍሩ ጊዜ ሞቶ አገኙት። አሁን የዛምቢያ ፖሊስ ይህን ድርጊት የፈፀሙትን ማምሻውን ሰብስቦ ዘብጥያ ማውረዱ እየተዘገበ ነው፡፡ አጠፉ እንዴ ጎበዝ?!
.
እዚህ ላይ አንዲት እናት ከአመታት በፊት ደሴ ከተማ ውስጥ ስታወራ የሰማኋት ነገር ትዝ አለኝ። አንዷ ቅጥ ያጣ የሴቶች መብት ስብከት ሰለባ የሆነች ሴት አንዱን ገበሬ ከፍ ዝቅ አድርጋ ህዝብ ፊት ታከላፍተዋለች።
"ኧረ እረፊ!" ብሎ ቢያስጠነቅቅ
"እስኪ ጫፌን ንካኝ። ዛሬ እንደ ድሮው መስሎሃል!" እያለች ተንጣጣችበት። ያላሰበውን አሳሰበችው።

አሁንም ቢያስጠነቅቅ በጣቷ ወደ ግንባሯ እየጠቆመች "እስኪ ይቺን ንካኝ" አለችው።
ድንገት እራሱን መቆጣጠር አቃተውና በያዘው ዱላ የጠቆመችው ቦታ ላይ በዱላ መታት።
"እሪሪይ!" ብላ መጮህ።
"እየባሰ ሄደ! ምን አጠፋሁ ጎበዝ?! 'እዚህ ላይ' አለችኝ፣ እዚያው ላይ መታሁ። ቦታ ሳትኩ'ንዴ?" አለ ሰውየው።

ፖሊስ መጥቶ "ምራ!" ሲለው እንደለመደው፡
"እየባሰ ሄደ!" ይላል።
ፖሊሶች፡ "ጭራሽ ሊስፈራራን ነው ወይ 'እየባሰ ሄደ!' የሚለው?" ብለው ይቆጣሉ።
ተሰብሳቢው ሰው፡ "ኧረ ሲያወራ ልምድ ሆኖበት እንጂ ለናንተ ብሎ አይደለም" ይላሉ።
ፖሊሶች እያዋከቡ ወደ እስር ቤት ወሰዱት።
.
እና እነዚህ በፖሊስ የታሰሩ ዛምቢያውያን ጉዳይ ገርሞኝ ነው። የዚህን ጣጠኛ አጭቤ ነቢይ ትእዛዝ ፈፅመው ተአምር ሲጠብቁ ካቴና አጠለቁ። ጉድና ጅራት በስተኋላ ነው አሉ።

(ኢብኑ ሙነወር፣ ጳጉሜ 2/2014)
=
የቴሌግራም ቻናል፦

አስቸኳይ የሕክምና ሪፖርት
ቀን: ኦገስት 24, 2026 እ.ኤ.አ.
የታካሚዋ ስም: ሀናን አህመድ
የሕክምና ቦታ: መካ ሆስፒታል
የጤና ሁኔታ እና የምርመራ ዝርዝር:
የቀድሞ ህክምና ዓይነት: ታካሚዋ ቀደም ሲል ሶስት (3) የቀዶ ሕክምናዎችን አድርጋለች።
አሁን ያለችበት ሁኔታ: የቀዶ ሕክምናው ቦታ በጣም አሳሳቢ፣ ተነካኪ እና በከፍተኛ ደረጃ አስቸጋሪ (አስጊ) ሁኔታ ላይ ይገኛል።
አደጋው: የቀዶ ሕክምናውን ቦታ ለመነካካት፣ ለመክፈት ወይም ፈሳሽ ለመጭመቅ/ለማፍሰስ የሚደረግ ማንኛውም ሙከራ ቀጥተኛ አደጋ የሚያስከትል እና በህይወቷ ላይ እውነተኛ ስጋት የሚፈጥር ነው።
የሕክምና ማስታወሻዎች: በቀዶ ሕክምናው ቦታ ላይ የደም እና የነጭ ደም (መግል) ስብስብ አለ፤ በመሆኑም አሁን ባለው ሁኔታ ቦታውን መነካካት ወይም የቀዶ ሕክምና ጣልቃ ገብነት ማድረግ እጅግ አደገኛ በመሆኑ ሁሉም ሰው እንዳይነካው ይሰጋል።

ኑ እህታትን እነተባበራ በዚህመም ምክንያት ምንም ነገር እንዳሰሪ ስለተባለች ወደ ሀገር መግባት ትፈልጋለች ህግ ውጥ ናት ፡
ለዚህም ወደ ሀገር ለመግባት

ወረቀት ያስፈልጋታ
የአየር ትኬት ያስፈልጋታል
9.000ሺርያል እዳ አለባት

ከዚህ በፊት በነበራት ሶስትጊዜ ኦፕሬሽን 25.000ርያል አውጥታለች በዚህም ምክንያት እዳ፡ገባች ፡ይሄ ሁሉ መነሻው ደም ማነስ ፡ነው በሁለት ወር ውስጥ ነው ሁሉም ነገር የተቀያየረው ፡ ሌላ አማራጭ ስለሌ ብቻ ነው ፡

"ወደ መልካም ነገር ያመላከተ ሰው፣ ያንን መልካም ስራ እንደሰራው ሰው አይነት ምንዳ (አጅር) አለው።"

አካውት እህታችንን ለመርዳት

ንግድ ባንክ፡1000586128977

አሚነት ጡሃ ዑመር



https://t.me/+pT5OceZcGRU3ZDNk